କଟକ: ରାଜ୍ୟ ଅଲମ୍ପିକ ସଙ୍ଘ (Odisha Olympic Association)ର ବସିଲା ବାର୍ଷିକ ସାଧାରଣ ପରିଷଦ ବୈଠକ (Annual General Council Meeting) । ୩୬ତମ ନ୍ୟାସନାଲ ଗେମ୍ରେ ଓଡି଼ଶା ବେଶ ଉତ୍କର୍ସ ପ୍ରଦର୍ଶନ ନେଇ ସମସ୍ତ ଖେଳାଳି ମାନଙ୍କୁ ଧନ୍ୟବାଦ ଜାଣିଛି ସଂଘ। ଏହାସହିତ ୩ ନୂଆ କ୍ରୀଡା ସଂଘକୁ ରାଜ୍ୟ ଅଲମ୍ପିକ ସଂଘ ପକ୍ଷରୁ ବୈଠକରେ ଅନୁବନ୍ଧିତ କରାଯାଇଛି ।
ଏହାସହ ଗତ ୨୦୨୧-୨୨ ବର୍ଷରେ ଆୟ ୨,୨୬,୪୫,୩୬୨ ଟଙ୍କା ହୋଇଥିଲା ବେଳେ ଖର୍ଚ୍ଚ ୨,୧୩,୯୩,୭୪ ଟଙ୍କା ହୋଇଛି । ସେହିପରି ଆଗମୀ ବର୍ଷ ପାଇଁ ୩,୫୬,୬୧,୧୫୦ ଟଙ୍କା ବଜେଟ ବାର୍ଷିକ ବୈଠକରେ ଗୃହୀତ ହୋଇଛି। ଏହାବ୍ୟତୀତ ୩ ନୂଆ କ୍ରୀଡା ସଂଘ ଓଡି଼ଶା ହକି ସଂଘ, ରଗବି କ୍ରୀଡା ସଂଘ ଓ ରାଇଫଲ ସୁଟିଂ କ୍ରୀଡାକୁ ରାଜ୍ୟ ଅଲମ୍ପିକ ସଂଘ ପକ୍ଷରୁ ବୈଠକରେ ଅନୁବନ୍ଧିତ କରାଯାଇଛି । ସବୁଠୁ ଗୁରୁତ୍ବପୂର୍ଣ୍ଣ ଦିଗ ହେଉଛି ଆସନ୍ତା ବର୍ଷ କିପରି ବିଭିନ୍ନ ସଂଘରେ ଜାତୀୟ ଓ ରାଜ୍ୟସ୍ତରୀୟ ମେଗା ପ୍ରତିଯୋଗିତା ଆୟୋଜିତ ହେବ ତାହା ଉପରେ ଆଲୋଚନା ହୋଇଥିଲା ।
ଏହା ବି ପଢନ୍ତୁ- T20 World Cup : ୭୧ ରନରେ ହାରିଲା ଜିମ୍ବାୱେ, ଗୃପ୍ 2 ଶୀର୍ଷରେ ଭାରତ
ତୃଣମୂଳ ସ୍ତରରୁ ଭଲ ଖେଳାଳି ଚୟନ କରିବା ଓ ଭଲ ପ୍ରଶିକ୍ଷଣ ପାଇଁ କୋଚ୍ ନିଯୁକ୍ତି ଦେବା ପ୍ରସଙ୍ଗରେ ମଧ୍ୟ ଦୃଷ୍ଟି ଆକର୍ଷଣ କରିଥିଲେ କିଛି କ୍ରୀଡ଼ା ସଂଘର ସମ୍ପାଦକ । ତେବେ ଏହି ତମାମ ଦିଗକୁ ନେଇ ବୈଠକରେ ଏହି ମେଗା ବଜେଟ ପାସ୍ କରାଯାଇଛି । ଆଜିର ବୈଠକରେ ରାଜ୍ୟ ଅଲମ୍ପିକ ସଂଘର ସମ୍ପାଦକ ଅଭିଜିତ ପାଲ, ସଭାପତି ଜଗ ମୋହନ, ଯୁଗ୍ମ ସମ୍ପାଦକ ଅଶୋକ ସାହୁ ଓ ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ଥିଲେ ।
ଇଟିଭି ଭାରତ, କଟକ
