କଟକ: ଗରିବ ଓ ଅସହାୟଙ୍କ ପାଇଁ ହାତ ବଢ଼ାଇଛନ୍ତି ଓଲିଉଡ଼ ଅଭିନେତା ଶ୍ରୀତମ ଦାସ । ଲକଡାଉନ ଓ ସଟଡାଉନ ଯୋଗୁ ଅନେକ ବ୍ୟକ୍ତି ଏବେ ଭୋକ ଉପାସରେ ଆଉଟୁ ପାଉଟୁ ହେଉଛନ୍ତି । ତେବେ ଏହାକୁ ଲକ୍ଷ୍ୟରେ ରଖି ନିରାଶ୍ରୟଙ୍କ ପେଟକୁ ଦାନା ଯୋଗାଇବାରେ ବ୍ୟସ୍ତ ହୋଇ ପଡିଛନ୍ତି ଏହି ଅଭିନେତା । ଦିନେ ଫିଲ୍ମ ଦୁନିଆରେ ହିରୋ ସାଜି ଲୋକଙ୍କୁ ଆନନ୍ଦିତ କରୁଥିବାବେଳେ ଆଜି ସାମାଜିକ କାର୍ଯ୍ୟରେ ମନ ବଳାଇଛନ୍ତି ଶ୍ରୀତମ ।
ଲକଡାଉନରେ ନିରାଶ୍ରୟକୁ ଖାଦ୍ୟ ବାଣ୍ଟୁଛନ୍ତି ଅଭିନେତା ଶ୍ରୀତମ
କଟକରେ ନିରାଶ୍ରୟଙ୍କୁ ଉଭୟ ରନ୍ଧା ଖାଦ୍ୟ ଓ ରାସନ ସାମଗ୍ରୀ ମଧ୍ୟ ଯୋଗାଇଛନ୍ତି ସେ । ଏହି ସେବା ପଛରେ ଆନନ୍ଦ ରହିଥିବା ନେଇ କୁହନ୍ତି ଶ୍ରୀତମ । ଏହାସହ ପ୍ରତ୍ୟେକ ଲୋକ ଯଦି ଏହି ଦିଗରେ ଅନ୍ୟ ବ୍ୟକ୍ତିଙ୍କୁ ସାହାଯ୍ୟ କରିବା ପାଇଁ ଆଗେଇ ଆସିବେ, ତେବେ ମହାମାରୀ ସମୟରେ ଲୋକମାନଙ୍କ ମଧ୍ୟରେ ଅନେକ କଷ୍ଟ ଦୂର ହୋଇପାରିବ ବୋଲି କୁହନ୍ତି ଶ୍ରୀତମ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
