ନିଆଳି: ରାଜଧାନୀ ଉପକଣ୍ଠରେ ହତ୍ୟାକାଣ୍ଡ। ଭଉଣୀ ବାହାଘର ପୂର୍ବରୁ ଭାଇର ଉଠିଲା କୋକେଇ । ପୂର୍ବ ଶତ୍ରୁତାକୁ ନେଇ ହତ୍ୟାକାଣ୍ତ ! ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ, ଖୋର୍ଦ୍ଧା ଜିଲ୍ଲା ବାଲିପାଟଣା ଥାନା ଶିଶିଲୋ ଅଞ୍ଚଳର ପ୍ରମୋଦ କୁମାର ଓଝାଙ୍କ ବଡ ପୁଅ ଆଶିଷ କୁମାର ଓଝା (୨୨)ଙ୍କୁ କିଛି ଦୃର୍ବୁ୍ତ୍ତ ଘରୁ ଡାକି ନେଇଥିଲେ । ପରେ ତାଙ୍କୁ ହତ୍ୟା କରିଥିବା ନେଇ ଅଭିଯୋଗ କରିଛନ୍ତି ପରିବାର ଲୋକେ । ବାଲିପାଟଣା ଥାନାରେ ଏତଲା ପରେ ପୋଲିସ ଆରମ୍ଭ କରିଥିଲା ଖୋଳତାଡ଼ । ଏନେଇ ଭୁବନେଶ୍ୱର ଜୋନ ଏସିପି ପରେଶ ରାଉତ ଏକ ସାମ୍ୱାଦିକ ସମ୍ମିଳନୀରେ ହତ୍ୟା ସମ୍ପର୍କରେ ସୂଚନା ଦେଇଛନ୍ତି।
ଏହାବି ପଢନ୍ତୁ: ଭଉଣୀ ସବାରୀ ଉଠିବା ପୂର୍ବରୁ ଉଠିଲା ଭାଇର କୋକେଇ
ଆଜି ସକାଳୁ ଶିଶୋଲ ବୋଧଖଣ୍ତି ବ୍ରିଜ ନିକଟ ଧାନ ବିଲ ଠାରେ ଆଶିଷଙ୍କ ମୃତଦେହ ଠାବ କରାଯାଇଛି । ଆଶିଷଙ୍କ ଶରୀରରେ ବିଭିନ୍ନ ସ୍ଥାନରେ କ୍ଷତ ଚିହ୍ନ ରହିଛି । ଆଶିଷଙ୍କ ମୋବାଇଲ ଫୋନରୁ ହତ୍ୟାକାଣ୍ଡ ସମ୍ପର୍କରେ ବହୁ ତଥ୍ୟ ପୋଲିସକୁ ମିଳିପାରେ ବୋଲି ଆଶା କରାଯାଉଛି । ଶବ ଜବତ କରି ବ୍ୟବଚ୍ଛେଦ ନିମନ୍ତେ ଭୁବନେଶ୍ୱର କ୍ୟାପିଟାଲ ହସ୍ପିଟାଲକୁ ପଠାଯାଇଛି । ରାତି ପାହିଲେ ଆଶିଷଙ୍କ ଭଉଣୀ ବାହାଘର ହୋଇଥାନ୍ତା ।
ଇଟିଭି ଭାରତ, ନିଆଳି
