କଟକ: ବାହାଘର ଭୋଜି ଚାଲିଥିଲା ବେଳେ ମାଡ଼ିଗଲା କାର । ଦୁର୍ଘଟଣାରେ 11 ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ 2 ଜଣ ଗୁରୁତର ହୋଇଛନ୍ତି । ତେବେ 6 ଜଣଙ୍କୁ ଏସସିବି ମେଡିକାଲକୁ ଭର୍ତ୍ତି କରାଯାଇଛି ।
ସୂଚନାମୁତାବକ, ଇମାମନଗର ଗ୍ରାମ ବାରିକ ସାହିଠାରେ ବାଇଧରଙ୍କ ଦୁଇ ପୁଅ ପପୁ ଓ ପିଣ୍ଟୁର ବିଭାଘର ଭୋଜି ଚାଲୁଥିବା ବେଳେ ଏକ ନିଶାଶକ୍ତ ଡ୍ରାଇଭର କାରକୁ ଭୋଜି ହେଉଥିବା ସ୍ଥାନରେ ଭର୍ତ୍ତି କରି ଦେଇଥିଲା । ଫଳରେ କାର ଧକ୍କାରେ 11 ଜଣ ଆହତ ହୋଇଥିଲା ବେଳେ 6 ଜଣ ଏସସିଵି ମେଡ଼ିକାଲରେ ଭର୍ତ୍ତି ହୋଇଛନ୍ତି । ଏବଂ ଦୁଇ ଜଣଙ୍କ ଅବସ୍ଥା ଗୁରୁତର ଅଛି l ଆହତଙ୍କ ମଧ୍ୟରେ ଜଣେ 9 ବର୍ଷର ବାଳକ ଓ 6 ବର୍ଷର ବାଳିକା ଥିବା ଜଣାପଡିଛି l
ଏନେଇ ସ୍ଥାନୀୟ ଲୋକେ ଡ୍ରାଇଭରକୁ ନିସ୍ତୁକ ମାଡ ମାରିଥିବା ସୂଚନା ମିଳିଛି । ସୂଚନା ପାଇ ଘଟଣା ସ୍ଥଳରେ ପୋଲିସ ପହଁଚି ଡ୍ରାଇଭରକୁ ଅଟକ ରଖିଥିବା ବେଳେ ଦୁର୍ଘଟଣା ଘଟେଇଥିବା କାରକୁ ଜବତ କରିଛି l ତେବେ ଉକ୍ତ ବ୍ୟକ୍ତି ଜଣକ ବିବାହକର୍ତ୍ତାଙ୍କ ସମ୍ପର୍କୀୟ ବୋଲି ଜଣାପଡ଼ିଛି ।
କଟକୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
