କଟକ: ବିରୂପା ନଦୀରୁ ଏକ ମୃତ ଥଣ୍ଟିଆ କୁମ୍ଭୀର ଉଦ୍ଧାର। କଟକ ଜିଲ୍ଲା ଚୌଦ୍ଵାର ଅଞ୍ଚଳରେ ଥିବା ବିରୂପା ନଦୀରୁ ଏହି ମୃତ ଥଣ୍ଟିଆ କୁମ୍ଭୀରକୁ ଉଦ୍ଧାର କରାଯାଇଛି । ମୃତ କୁମ୍ଭୀରଟି ୪ ରୁ ୫ ଫୁଟ ହୋଇଥିବାବେଳେ ଏକ ମାଈ କୁମ୍ଭୀର ବୋଲି ଜଣାପଡିଛି।
ମୃତ ଥଣ୍ଟିଆ କୁମ୍ଭୀର ଉଦ୍ଧାର
ଏହି ମୃତ କୁମ୍ଭୀରକୁ ଦେଖିବାକୁ ଆଖପାଖ ଲୋକଙ୍କର ପ୍ରବଳ ଭିଡ଼ ଦେଖିବାକୁ ମିଳିଥିଲା । ତେବେ ଖବର ପାଇ ଚୌଦ୍ୱାର ବନ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି ମୃତ କୁମ୍ଭୀରକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇ ନନ୍ଦନକାନନ ପଠାଇ ଦିଆଯାଇଛି । ରିପୋର୍ଟ ଆସିଲା ପରେ କୁମ୍ଭୀରର ମୃତ୍ୟୁର କାରଣ ଜଣାପଡିବ।
କଟକରୁ ନାରାୟଣ ସାହୁ, ଇଟିଭି ଭାରତ
