କଟକ : କଟକରୁ ପାଖାପାଖି ଏକ କ୍ଵିଣ୍ଟାଲ ପରିମାଣର ଚୋରା ଚନ୍ଦନ କାଠ ଜବତ ହଇଛି । ଜଣେ ଚାଲାଣକାରୀଙ୍କୁ ଗିରଫ କରିଛି କମିଶନରେଟ ପୋଲିସ । ଜବତ ଚନ୍ଦନ କାଠର ଓଜନ 92 କେଜି ହୋଇଥିବା ବେଳେ ଏହାର ଆନୁମାନିକ ମୂଲ୍ୟ 10 ଲକ୍ଷ ଟଙ୍କା ।
୯୨ କେଜି ଚନ୍ଦନ କାଠ ଜବତ, ଜଣେ ଗିରଫ
ଚୌଦ୍ବାର ଥାନା ଅଧୀନରେ ଥିବା ଶ୍ରୀକ୍ଷେତ୍ର ଜଙ୍ଗଲରୁ ଏହି ଚନ୍ଦନ କାଠ ଅଣାଯାଇଛି ବୋଲି ଚାଲାଣକାରୀ ପୋଲିସକୁ କହିଛି । ତେବେ ଚୌଦ୍ବାର ଥାନା ଅଞ୍ଚଳରେ ଚନ୍ଦନ କାଠର ଚୋରା ଚାଲାଣ ହେଉଥିବା ନେଇ ପୋଲିସକୁ ଖବର ମିଳିଥିଲା । ଯାହାକୁ ନେଇ ତଦନ୍ତ ଆରମ୍ଭ କରି ଚାଲାଣକାରୀଙ୍କୁ ଗିରଫ କରିଛି ପୋଲିସ । ଗିରଫ ହୋଇଥିବା ଚାଲାଣକାରୀର ନାଁ ରସାନନ୍ଦ ସାହୁ ହୋଇଥିବାବେଳେ ସେ ଟାଙ୍ଗୀ ଅଞ୍ଚଳର ବୋଲି ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ଡିସିପି ପ୍ରତୀକ ସିଂ । ତେବେ ଏହି ଚାଲାଣରେ ସଂପୃକ୍ତ ଅନ୍ୟ ବ୍ୟକ୍ତିଙ୍କୁ ଗିରଫ କରିବା ପାଇଁ କମିଶନରେଟ ପୋଲିସ ତଦନ୍ତ କରୁଛି ବୋଲି ସୂଚନା ଦେଇଛନ୍ତି ଡିସିପି ।
କଟକରୁ ନାରାୟଣ ସାହୁ, ଇଟିଭି ଭାରତ
