କଟକ: ଉତ୍କଳ ଗୌରବ ମଧୁସୂଦନ ଦାସଙ୍କ 88 ତମ ତିରୋଧନ ଦିବସ ପାଳିତ। ଗୋରାକବର ସ୍ଥିତ ସମାଧି ସ୍ଥଳରେ ଏହି ମହାନ ଆତ୍ମାର ସ୍ମୃତି ଚାରଣ କରାଯାଇଛି । ଏହି ଅବସରରେ ଅନେକ ମାନ୍ୟଗଣ୍ୟ ବ୍ୟକ୍ତି ସାମିଲ ହୋଇଥିଲେ।
ଆଜି କଟକରେ ମଧୁସୂଦନ ଦାସଙ୍କ 88 ତମ ତିରୋଧନ ଦିବସ ପାଳନ କରାଯାଇଛି। ଏନେଇ ମଧୁସୂଦନ ଦାସଙ୍କ ସମାଧି ସ୍ଥଳ ନିକଟରେ ତାଙ୍କୁ ପୁଷ୍ପମାଲ୍ୟ ଦେଇ ସ୍ମୃତି ଚାରଣ କରାଯାଇଛି। ବର୍ଷ ବର୍ଷ ଧରି ଏହି ମହାନ ପୁରୁଷଙ୍କ ସମାଧିଟି ଅବହେଳିତ ଅବସ୍ଥାରେ ପଡ଼ିରହିଛି। ଯାହା ଫଳରେ ବିଭିନ୍ନ ମହଲରେ ଅସନ୍ତୋଷ ଦେଖାଦେଇଛି। ଏହାକୁ ନେଇ କଟକର ବିଭିନ୍ନ ସାମାଜିକ ଅନୁଷ୍ଠାନ ପକ୍ଷରୁ ନିରବ ପ୍ରତିବାଦ କରଯାଇଥିଲା ।
ଭାରତ ଇତିହାସରେ ସ୍ବତନ୍ତ୍ର ସ୍ଥାନ ଗ୍ରହଣ କରିଥିବା ଉତ୍କଳ ଗୌରବଙ୍କ ସମାଧି ପୀଠକୁ ସ୍ମାରକୀ ଭାବରେ ଘୋଷଣା କରିବା ପାଇଁ ବିଭିନ୍ନ ଅନୁଷ୍ଠାନ ପକ୍ଷରୁ ଦାବି କରାଯାଇଛି। ଆଗମୀ ଦିନରେ ରାଜ୍ୟ ସରକାରଙ୍କ ନିକଟରେ ଏହି ପ୍ରସଙ୍ଗ ଉଠାଯିବ ବୋଲି କଟକ ଜିଲ୍ଲାପାଳ ପ୍ରତିକ୍ରିୟା ଦେଇଛନ୍ତି।
କଟକରୁ ପଭୁକଲ୍ୟାଣ ପାଲ, ଇଟିଭି ଭାରତ
