କଟକ: ତିଗିରିଆ ଥାନା ଅନ୍ତର୍ଗତ ଅଚଳକୋଟ ପଞ୍ଚାୟତ ଅଫିସ ପଛରେ ଥିବା ଆମ୍ବତୋଟାରୁ ଗଞ୍ଜେଇ ଜବତ। ବିଶେଷ ସୂତ୍ରରୁ ଖବର ପାଇ ଆଠଗଡ ଅବକାରୀ ବିଭାଗ ଓ ତିଗିରିଆ ପୋଲିସର ମିଳିତ ଚଢାଉ କରି ୫ କ୍ବିଣ୍ଟାଲରୁ ଊର୍ଦ୍ଧ୍ବ ଗଞ୍ଜେଇ ଜବତ କରିଛି। ତେବେ ଏହି ଘଟଣାରେ ୭ଜଣ ଦୁର୍ବୃତ୍ତ ଫେରାର ହୋଇଯାଇଛନ୍ତି।
ସୂଚନା ଅନୁଯାୟୀ ଦୀର୍ଘଦିନ ଧରି ତିଗିରିଆ ଅଞ୍ଚଳରେ ଚୋରା ଗଞ୍ଜେଇ ଚାଲାଣ ହୋଇ ଆସୁଥିଲା। ଆଜି ପଞ୍ଚାୟତ ଅଫିସ ପଛପଟେ ଥିବା ଆମ୍ବତୋଟାରେ ଗଞ୍ଜେଇ ମାଫିଆ ମାନେ ଗଞ୍ଜେଇ ଏକାଠି କରି ପଲିଥିନରେ ଭର୍ତ୍ତି କରି ଭାଗଭାଗ କରୁଥିବା ସମୟରେ ପୋଲିସ ଖବର ପାଇ ଚଢାଉ କରିଥିଲା । ପୋଲିସ ଆସିବା ଖବର ପାଇ ଅଭିଯୁକ୍ତମାନେ ଫେରାର ହୋଇଯାଇଥିଲେ । କିନ୍ତୁ ପୋଲିସକୁ ମିଳିଥିଲା ୫ କ୍ବିଣ୍ଟାଲରୁ ଊର୍ଦ୍ଧ୍ବ ଗଞ୍ଜେଇ ।
ଏହାସହ ପୋଲସ ଗୋଟିଏ ପିକଅପ ଭ୍ୟାନ ଜବତ କରିଛି। ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ପୋଲିସ ସୂତ୍ରରୁ ସୂଚନା ମିଳିଛି । ଗଞ୍ଜେଇ କାରବାରରେ ସଂପୃକ୍ତ ଅଭିଯୁକ୍ତ ମାନଙ୍କୁ ଧରିବା ପାଇଁ ପୋଲିସର ତନାଘନା ଜାରି ରହିଛି ।
କଟକରୁ ନାରାୟଣ ସାହୁ, ଇଟିଭି ଭାରତ
