କଟକ: ନିଆଳିକୁ ପୁଣି ଫେରିଲା ଅଜଣା ଜନ୍ତୁ ଆତଙ୍କ । ଦୀର୍ଘ ଦିନର ବ୍ୟବଧାନ ପରେ ପୁଣି ନିଆଳିରେ ଦେଖାଦେଇଛି ମେଣ୍ଢା ମୃତ୍ୟୁ ଘଟଣା । କଟକ ଜିଲ୍ଲା ନିଆଳି ବ୍ଳକ ଅନ୍ତର୍ଗତ ବାଘମରା ଗାଁରେ ଘଟିଛି ଏଭଳି ଅଭାବନୀୟ ଘଟଣା ।
ପୁଣି ନିଆଳିକୁ ଫେରିଲା ମେଣ୍ଢା ମୃତ୍ୟୁ
ଗତକାଲି(ସୋମବାର) ରାତିରେ ନିଆଳି ବ୍ଲକ ବାଘମରା ଗାଁରେ ଥିବା ବିରଞ୍ଚି ଦାସଙ୍କ 4ଟି ମେଣ୍ଢା ଗୁହାଳରେ ମରି ପଡିଥିବା ଦେଖିବାକୁ ମିଳିଛି। ବିଳମ୍ବିତ ରାତିରେ ମେଣ୍ଢା ମାନଙ୍କର ମୃତ୍ୟୁ ହୋଇଥିବା ଅନୁମାନ କରାଯାଉଛି।
ତେବେ ଚଳିତ ସପ୍ତାହରେ ଦୁଇ ଦୁଇଥର ମେଣ୍ଢା ଉପରେ ଆକ୍ରମଣ ହୋଇଥିଲା । ଏଥିରେ ମୋଟ 10 ଟି ମେଣ୍ଢାର ମୃତ୍ୟୁ ହୋଇଥିବାବେଳେ 7 ଟି ମେଣ୍ଢା ଗୁରୁତର ହୋଇଥିଲେ । ମେଣ୍ଢା ମାନଙ୍କର ବେକରେ କ୍ଷତ ଚିହ୍ନ ରହିଥିବା ବେଳେ ମୃତ୍ୟୁର କାରଣ ଅସ୍ପଷ୍ଟ ରହିଛି।
ଏବେ ପୁଣି ଅଜଣା ଜନ୍ତୁ ଆକ୍ରମଣ ଆରମ୍ଭ ହୋଇଥିବାରୁ ଏହାକୁ ନେଇ ମେଣ୍ଢା ଚାଷୀଙ୍କ ମଧ୍ୟରେ ଆତଙ୍କ ଖେଳିଯାଇଥିବା ଦେଖିବାକୁ ମିଳିଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
