କଟକ: ଚାଉଳିଆଗଞ୍ଜ ଥାନା ପୋଲିସକୁ ସଫଳତା । ଗିରଫ ହେଲେ 3 ଲୁଟେରା । ଗତ ୧୦ ତାରିଖରେ କଟକ ବିରିବାଟି ନିକଟରେ କାର ଓ ମୋବାଇଲ ଲୁଟ ଘଟଣାର ପର୍ଦ୍ଦାଫାଶ କଲା ଚାଉଳିଆଗଞ୍ଜ ଥାନା ପୋଲିସ । ଘଟଣାର ସମ୍ପୃକ୍ତ ୩ ଜଣଙ୍କୁ ଗିରଫ କରିବା ସହ ୫ ମୋବାଇଲ ଓ ଏକ ସ୍କୁଟି ଜବତ କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ପୋଲିସ ।
ସୂଚନାନୁସାରେ ଗତ ୧୦ ତାରିଖ ଜଗତସିଂହପୁର ଜିଲ୍ଲାର ତିର୍ତ୍ତୋଲ ଅଞ୍ଚଳର ସୌମ୍ୟ ରଞ୍ଜନ ମହାପାତ୍ର ନାମକ ଜଣେ ଯୁବକ ତାଙ୍କର ସାଙ୍ଗ ସହ ସନ୍ଧ୍ୟା ସମୟରେ କଟକରୁ ଜଗତସିଂହପୁର ଫେରୁଥିଲେ। ଏହି ସମୟରେ ହଠାତ୍ ତିନିଜଣ ଅଜଣା ବ୍ୟକ୍ତି ତାଙ୍କୁ ଅଟକାଇଥିଲେ । ଏହା ପରେ ତିନି ଦୁର୍ବୃତ୍ତ ମାରଣାସ୍ତ୍ର ଦେଖାଇ କାର ଓ ମୋବାଇଲ ନେଇ ଫେରାର ହୋଇଯାଇଥିଲେ । ଏହାପରେ ଯୁବକ ଜଣକ ଚାଉଳିଆଗଞ୍ଜ ଥାନାରେ ଅଭିଯୋଗ କରିଥିଲେ ।
ପୋଲିସ ଘଟଣାର ତଦନ୍ତ କରି ତିନି ଜଣ ଅଭିଯୁକ୍ତଙ୍କୁ ଗିରଫ କରିବା ସହ କାର ଓ ମୋବାଇଲ ଜବତ କରିଛି । ତିନିଜଣ ଅଭିଯୁକ୍ତ ହେଲେ ରତ୍ନାକର ରାଉତ, ବିରଞ୍ଚି ବିଶ୍ୱାଳ ଓ ଅମୀୟ ଭୋଳ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
