ଭୁବନେଶ୍ବର: ଦୀର୍ଘ ବର୍ଷର ଅପେକ୍ଷା । ମଇଦାନକୁ ଫେରିଲେ ବରିଷ୍ଠ କଂଗ୍ରେସ ନେତା ସୁର ରାଉତରାୟ । ବହୁ ଦିନର ବ୍ୟବଧାନ ପରେ ଜଟଣୀରୁ ସେ ବିଜୟୀ ହୋଇଛନ୍ତି । ଜିତିବା ପରେ ଧୁମ୍ କାମ କରିବି ବୋଲି ସେ ପ୍ରତିକ୍ରିୟା ରଖିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଏହି ଆସନରୁ 5ଥର ବିଧାୟକ ରହିଥିଲେ ସୁର । 1977, 1980, 1985, 1995 ଏବଂ 2000 ମସିହାରେ ସେ ନିର୍ବାଚିତ ହୋଇଥିଲେ । ମନ୍ତ୍ରୀ ଦାୟିତ୍ବ ମଧ୍ୟ ସମ୍ଭାଳିଥିଲେ । ହେଲେ 2004ରୁ ତାଙ୍କୁ ବିପର୍ଯ୍ୟୟ ସାମ୍ନା କରିବାକୁ ପଡିଥିଲା । ଜଟଣୀ ମାଡି ବସିଥିଲା ବିଜୁ ଜନତା ଦଳ । ବିଧାନସଭାରେ ଆଉ ଦେଖିବାକୁ ମିଳୁନଥିଲା ସୁର ଭାଇଙ୍କ ଜଲୱା । ହେଲେ ଏଥର ଜଟଣୀବାସୀ ସୁର ରାଉତରାୟଙ୍କୁ ଦେଇଛନ୍ତି ସୁଯୋଗ । ବିରୋଧୀ ଭୂମିକାରେ ସେ ବିଧାନସଭା ଦୋହଲାଇବା ନେଇ ଚର୍ଚ୍ଚା ହେଉଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
