ହେଲେ ବାବା ଏକ ବନ୍ଦ କୋଠରୀ ଭିତରେ ପୂଜାର୍ଚ୍ଚନା କରିଥିଲେ। ବନ୍ଦ କୋଠରୀରେ ବାବା ସେହି ଯୁବତୀଙ୍କୁ ଅନ୍ଧାର ଭିତରେ ଅସଦାଚରଣ କରିଥିବା ନେଇ ବାଲିପାଟଣା ଥାନାରେ ଲିଖିତ ଅଭିଯୋଗ କରିଛନ୍ତି ଯୁବତୀ। ଯାହାକୁ ନେଇ ପୋଲିସ ଯୁବତୀଙ୍କ ଏତଲାକୁ ଭିତ୍ତି କରି ସୁର ବାବାଙ୍କ ସହ ଯୁବକ ଦ୍ବିପସୁନ୍ଦର ସ୍ବାଇଁ ତାଙ୍କ ମାଆ ଜ୍ୟୋସ୍ନା ମଞ୍ଜରୀ ସ୍ବାଇଁ ଓ ବାପା ଭିକାରୀ ଚରଣ ସ୍ବାଇଁଙ୍କ ନାଁରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଆଇପିସିର ଧାରା ୩୫୪,୩୪୧,୩୨୩,୫୦୬,୩୪ରେ ମାମଲା ରୁଜୁ ହୋଇଥିବା ଜଣାପଡିଛି। ତେବେ ଯୁବତୀଙ୍କ ଏତଲା ଆଧାରରେ ବିବାହ ହେବାକୁ ଥିବା ଯୁବକଙ୍କ ପରିବାର ହିଁ ତାଙ୍କୁ ସେହି ଆଶ୍ରମକୁ ଆଣିଥିଲେ।
ଆଗାମୀ ଭବିଷ୍ୟତ ଭଲରେ କଟିବା ସହ ରିଷ୍ଟ ଖଣ୍ଡନ ହେବା ନାଁରେ ଯୁବତୀଙ୍କୁ ଆଶ୍ରମକୁ ଆଣିଥିଲେ ଯୁବକଙ୍କ ପରିବାର।
ଅନ୍ୟପଟେ ତଦନ୍ତ ଚାଲିଥିବା ବେଳେ ବାବାଙ୍କ ପ୍ରତିକ୍ରିୟା ମିଳିପାରିନାହିଁ। ସେପଟେ ଅଭିଯୋଗକାରିଣୀ ଯୁବତୀଙ୍କ ପତ୍ତା ମିଳୁନଥିବା ଜଣାପଡିଛି। ତେବେ ସୁର ବାବାଙ୍କ ନାଁରେ ଆସିଥିବା ଅଭିଯୋଗ କେତେ ସତ କେତେ ମିଛ ତାହା କମିଶନରେଟ ପୋଲିସର ତଦନ୍ତ ପରେ ଜଣାପଡିବ।
ଭୁବନେଶ୍ବରରୁ ତାପସ କୁମାର ପରିଡା, ଇଟିଭି ଭାରତ
