ଭୁବନେଶ୍ବର: ଓଡିଶା ବିଧାନସଭା । ସାମ୍ନାରେ ମଧୁବାବୁଙ୍କ ପ୍ରତିମୂର୍ତ୍ତି । ଗୃହରେ ବିଧାୟକ, ମନ୍ତ୍ରୀ, ସଚିବଙ୍କ ଆସର । ଗୃହ ଚାଲିଲେ ନୀତି ଦେଖିବାକୁ ମିଳେ ବିରୋଧୀଙ୍କ ହଟ୍ଟଗୋଳ । ଦିନେ ଟିଭି ପରଦାରେ ଏସବୁ ଦେଖୁଥିଲେ ନବ ନିର୍ବାଚିତ ବିଧାୟକ । ହେଲେ ଆଜି ସେମାନେ ଗୃହର ଜଣେ ଜଣେ ସଦସ୍ୟ । ଷୋଡଶ ବିଧାନସଭାର ଅଭିନ୍ନ ଅଙ୍ଗ । ନୂଆକରି ଏଣ୍ଟ୍ରି ମାରିଛନ୍ତି, ବଖାଣିଛନ୍ତି ଅଧିବେଶନର ପ୍ରଧମ ଦିନର ଅନୂଭୂତି ।
କିଏ ପ୍ରଥମଥର ନିର୍ବାଚନ ଲଢି ବିଜୟୀ ହୋଇଛି, ତ ଆଉ କିଏ ବାରମ୍ବାର ଚେଷ୍ଟା ପରେ ଏଥର ନିର୍ବାଚନରେ ସଫଳ ହୋଇଛି । ବିଧାନସଭାକୁ ମିଳିଛି ଏଣ୍ଟ୍ରି । ମନ୍ତ୍ରୀ ପଦ୍ମିନୀ ଦିଆନଙ୍କ ପାଇଁ ବଡ ଅନୁଭୂତି । କାହିଁକି ନା ପ୍ରଥମଥର ନିର୍ବାଚନ ଲଢିଲେ, ଜିତିଲେ ଓ ମନ୍ତ୍ରୀ ପଦ ବି ମିଳିଲା । ନବ ନିର୍ବାଚିତ ବିଧାୟକଙ୍କ ପାଇଁ କେମିତି ଥିଲା ଆଜିର ଦିନ । ଇଟିଭି ଭାରତ ଆଗରେ ନବ ନିର୍ବାଚିତ ବିଧାୟକଙ୍କ ବିଧାନସଭା ଅନୁଭୂତି । ଅତି ରୋଚକ ଢଙ୍ଗରେ ବର୍ଣ୍ଣନା କରିଛନ୍ତି ଓଡିଶା ବିଧାନସଭାର ନବ ନିର୍ବାଚିତ ବିଧାୟକ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
