ଭୁବନେଶ୍ବର: ବହୁ ଆଲୋଚନା ପର୍ଯ୍ୟାଲୋଚନା ପରେ କଂଗ୍ରେସ ବିଧାୟକ ଦଳର ନେତା ଭାବେ ନିର୍ବାଚିତ ହୋଇଛନ୍ତି ଦଳର ବରିଷ୍ଠ ନେତା ତଥା ବଲାଙ୍ଗୀର ବିଧାୟକ ନରସିଂହ ମିଶ୍ର। ଅଖିଳ ଭାରତୀୟ କଂଗ୍ରେସ କମିଟି(ଏଆଇସିସି) ପକ୍ଷରୁ ତାଙ୍କ ନାଁରେ ମୋହର ମରାଯାଇଛି । ଚଳିତ ବର୍ଷ ଅନୁଷ୍ଠିତ ହୋଇଥିବା ନିର୍ବାଚନରେ ଦଳର ଶୋଚନୀୟ ଭାବେ ପରା ହୋଇଛି ।
ଗତ 2014 ବିଧାନସଭା ନିର୍ବାଚନରେ କଂଗ୍ରେସ 16 ଆସନ ପାଇବା ସହ ମୁଖ୍ୟ ବିରୋଧି ଦଳର ମାନ୍ୟତା ପାଇଥିଲା କଂଗ୍ରେସ । ବିରୋଧି ଦଳ ନେତା ଭାବେ ନିର୍ବାଚିତ ହୋଇଥିଲେ ନରସିଂହ ମିଶ୍ର । ମାତ୍ର 2019 ବିଧାନସଭା ନିର୍ବାଚନର ଦଳର ଆସନ ସଂଖ୍ୟା 9କୁ ଖସି ଆସିବା ସହ ମୁଖ୍ୟ ବିରୋଧି ଦଳର ମାନ୍ୟତା ମଧ୍ୟ ହରାଇଛି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
