ଭୁବନେଶ୍ବର: ରାଜ୍ୟର ୨୧ଟି ଲୋକସଭା ସମେତ ୧୪୬ଟି ବିଧାନସଭା ପାଇଁ ଭୋଟ ଗଣତି ଚାଲୁରହିଛି । ଏହି ଗଣତିରେ ବିଜେଡି ଶହେରୁ ଅଧିକ ସିଟ୍ରେ ଆଗୁଆ ରହିଛି । ଏହି କ୍ରମରେ ବିଜେଡିକୁ ପ୍ରଥମ ବିଧାନସଭା ସିଟ୍ରେ ବିଜୟ ମିଳିଛି । ନବରଙ୍ଗପୁରରେ ବିଜେଡି ବିଧାୟକ ପ୍ରାର୍ଥୀ ସଦାଶିବ ପ୍ରଧାନୀ ଓ ଝରିଗାଁରେ ପ୍ରକାଶ ମାଝି, ଡାବୁଗାଁରୁ ମନୋହର ରନ୍ଧାରୀ ବିଜୟ ଲାଭ କରିଛନ୍ତି । ଅନ୍ୟପଟେ ଉମରକୋଟରୁ ବିଜେପି ବିଧାୟକ ପ୍ରାର୍ଥୀ ନିତ୍ୟାନନ୍ଦ ଗଣ୍ଡ ବିଜୟ ଲାଭ କରିଛନ୍ତି । ସମସ୍ତ ପ୍ରାର୍ଥୀ ଜିତିବା ପରେ ନିଜନିଜ କର୍ମୀ, ସମର୍ଥକ ଓ ଦଳୀୟ ନେତୃତ୍ୱକୁ ଧନ୍ୟବାଦ ଦେଇଛନ୍ତି । ନିର୍ବାଚତ ହେବା ପରେ ନିଜ ନିଜ ବିଧାନସଭା କ୍ଷେତ୍ରର ସର୍ବାଙ୍ଗୀନ ଉନ୍ନତି ପାଇଁ କାମ କରିବା କଥା କହିଛନ୍ତି ।
ଶେଷ ଖବର ସୁଦ୍ଧା ରାଜ୍ୟରେ 109ଟି ବିଧାନସଭା ଆସନରେ ଆଗୁଆ ରହିଛି ବିଜେଡି । 24ଟି ଆସନରେ ବିଜେପି ଓ 1ଟି ଆସନରେ କଂଗ୍ରେସ ଟ୍ରେଣ୍ଡ କରୁଛି । 21ଟି ଲୋକସଭା ଆସନରୁ 16ଟିରେ ବିଜେଡି ଓ 5ଟି ବିଜେପି ଆଗୁଆ ରହିଥିବା ବେଳେ କଂଗ୍ରେସ ଖାତା ଖୋଲିବାରେ ସକ୍ଷମ ହୋଇପାରିନାହିଁ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
