ଭୁବନେଶ୍ବର: ନେତା ଆତ୍ମନିଷ୍ଠ । ହେଲେ ପ୍ରଶାସକ ବସ୍ତୁନିଷ୍ଠ । ନିର୍ଦ୍ଦିଷ୍ଟ କ୍ଷେତ୍ରକୁ ଗୁରୁତ୍ବଦେଇ କାମ କରିବାରେ ସେମାନେ ସିଦ୍ଧହସ୍ତ । ସାମଗ୍ରିକ ଭାବରେ ବିଚାର କରିନଥାଏ ପ୍ରଶାସକଟିଏ । ଏଭଳି କିଛି ମତ ରଖିଛନ୍ତି ସମ୍ବଲପୁର ଲୋକସଭା ପ୍ରାର୍ଥୀ ନଳିନୀ ପ୍ରଧାନ ।
ଭିଡିଓ ସୌଜନ୍ୟ: ବ୍ୟୁରୋ ଚିଫ, ଭୁବନେଶ୍ବର
ପୂର୍ବତନ ପୂର୍ତ୍ତ ସଚିବ ନଳିନୀ ପ୍ରଧାନ । ଏବେ ବିଜେଡି ନେତା । ସମ୍ବଲପୁର ଲୋକସଭା ଆସନ ପାଇଁ ଆଶାୟୀ ପ୍ରାର୍ଥୀ । ଦଳ ତାଙ୍କୁ ପ୍ରାର୍ଥୀ ଘୋଷଣା କରିବା ପରେ ସେ ନିଜ ପ୍ରଚାର ଆରମ୍ଭ କରିସାରିଛନ୍ତି । ଗମନାଗମନ ଉପରେ ବେଶି ଗୁରୁତ୍ବ ଦେଉଛନ୍ତି ନଳିନୀ । ଜନତାଙ୍କୁ ଦେଉଛନ୍ତି ବିଭିନ୍ନ ପ୍ରତିଶ୍ରୁତି ।
ଓଡିଶା ରାଜନୀତିରେ ଏବେ ଏଣ୍ଟ୍ରି ମାରୁଛନ୍ତି ପ୍ରଶାସକ । ଅପରାଜିତା ମହାନ୍ତି, ଅରୂପ ପଟ୍ଟନାୟକ, ପ୍ରକାଶ ମିଶ୍ର ଏବଂ ନଳିନୀ ପ୍ରଧାନ, ସମସ୍ତେ ଏବେ ରାଜନୀତି ମୂହାଁ । ହେଲେ ରାଜନୀତିରେ ଏମାନେ କେତେ ସଫଳ ହେଉଛନ୍ତି, ସମୟ ହିଁ ତାହା କହିବ ।
ଭୁବନେଶ୍ବରରୁ ଅଜିତ କୁମାର ଦାଶ, ଇଟିଭି ଭାରତ
