ଖୋର୍ଦ୍ଧା: ସ୍ମାର୍ଟ ସିଟିରେ ହାଇଭୋଲଟେଜ ଲଢେଇ । ପୂର୍ବତନ ଆଇପିଏସ ବନାମ ପୂର୍ବତନ ଆଇଏଏସ । ଆଉ ଉଭୟ ପ୍ରଶାସକଙ୍କୁ ଟକ୍କର ଦେବାକୁ ଅଣ୍ଟା ଭିଡିଛି କଂଗ୍ରେସ-ବାମଦଳ ମେଣ୍ଟ । ମଇଦାନକୁ ଓହ୍ଲାଇଛନ୍ତି ମେଣ୍ଟର ପ୍ରାର୍ଥୀ ଜନାର୍ଦ୍ଦନ ପତି। ହଜାର ହଜାର ସମର୍ଥକଙ୍କ ସହ ଆସି ଭରିଛନ୍ତି ନାମାଙ୍କନ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଶନିବାର ଜନାର୍ଦ୍ଦନ ଏକ ବିରାଟ ଶୋଭାଯାତ୍ରାରେ ଆସି ଖୋର୍ଦ୍ଧା ଜିଲ୍ଲାପାଳଙ୍କ ନିକଟରେ ନିଜ ପ୍ରାର୍ଥୀପତ୍ର ଦାଖଲ କରିଛନ୍ତି । ଉଭୟ କଂଗ୍ରେସ ଏବଂ ସିପିଏମର ଶତାଧିକ କର୍ମୀ ଓ ନେତା ଏହି ଶୋଭାଯାତ୍ରାରେ ସାମିଲ ହୋଇଥିବା ଦେଖିବାକୁ ମିଳିଛି । ନିର୍ବାଚନରେ ବିଜୟୀ ହେବା ନେଇ ଦୃଢୋକ୍ତି ପ୍ରକାଶ କରିଛନ୍ତି ଜନାର୍ଦ୍ଦନ । ସେହିପରି ତୃଣମୂଳ କଂଗ୍ରେସ ପ୍ରାର୍ଥୀ ଶୁଭ୍ରାଂଶୁ ରଞ୍ଜନ ପାଢ଼ୀ ମଧ୍ୟ ଆଜି ନାମାଙ୍କନ ଭରିଛନ୍ତି ।
ସୂଚନାଯୋଗ୍ୟ, ଭୁବନେଶ୍ବରରେ ତୃତୀୟ ପର୍ଯ୍ୟାୟରେ ନିର୍ବାଚନ ହେବ । ଗତ 28 ତାରିଖରୁ ଏନେଇ ନାମାଙ୍କନ ପ୍ରକ୍ରିୟା ଆରମ୍ଭ ହୋଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
