ଭୁବନେଶ୍ବର: ରାଜ୍ୟସଭା ପାଇଁ ପ୍ରାର୍ଥୀ ତାଲିକା ଘୋଷଣା କଲା ବିଜେଡି । ଦଳୀୟ ମୁଖପାତ୍ର ତଥା ଆଇଟି ସେଲ ମୁଖ୍ୟ ଅମର ପଟ୍ଟନାୟକ, ଆଇଏସ ଅଫିସର ତଥା ପୂର୍ବତନ କଟକ ଜିଲ୍ଲାପାଳ ଅଶ୍ବିନୀ ବୈଷ୍ଣବ, ବିଜେଡି ମୁଖପାତ୍ର ସସ୍ମିତ ପାତ୍ରଙ୍କୁ ରାଜ୍ୟସଭାକୁ ପଠାଇଲା ବିଜେଡି । ଏ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି ।
ପୂର୍ବତନ ଆଇଏଏସ ଅଫିସର ଅଶ୍ବିନୀ ବୈଷ୍ଣବ ବିଜେପି ପ୍ରାର୍ଥୀ ହୋଇଥିବା ବେଳେ ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କ ଅନୁରୋଧ କ୍ରମେ ବିଜେଡି ଅଶ୍ବିନୀଙ୍କୁ ସମର୍ଥନ କରୁଥିବା ନବୀନ କହିଛନ୍ତି ।
ଅନ୍ୟପକ୍ଷରେ ରାଜ୍ୟସଭା ପ୍ରାର୍ଥୀ ପାଇଁ ବିଜେଡି ମୁଖପାତ୍ର ସସ୍ମିତ ପାତ୍ରଙ୍କ ନାମ ଘୋଷଣା ପରେ ସେ ଖୁସି ଜାହିର କରିବା ସହ ନବୀନ ପଟ୍ଟନୟକଙ୍କୁ କୃତଜ୍ଞତା ଜଣାଇଛନ୍ତି । ଦଳର ସଭାପତିଙ୍କ ଆଶୀର୍ବାଦ କ୍ରମେ ମିଳିଥିବା ଦ୍ବାୟିତ୍ବକୁ ନିଷ୍ଠାର ସହ ତୁଲାଇବେ ବୋଲି ସସ୍ମିତ କହିଛନ୍ତି ।
ସେହିପରି ରାଜ୍ୟସଭାକୁ ଗଲେ ଓଡିଶାର ଦାବିକୁ କେନ୍ଦ୍ର ପାଖରେ ପହଞ୍ଚାଇବେ ବୋଲି ମୁଖପାତ୍ର ଅମର ପଟ୍ଟନାୟକ ପ୍ରତିକ୍ରିୟା ଦେଇଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
