ବୌଦ୍ଧ:ବୌଦ୍ଧ ଜିଲ୍ଲାର ଥିବା ବନ୍ଦ ହେବ ଏକ ମାତ୍ର ଉର୍ଦ୍ଦୁ ବିଦ୍ୟାଳୟ। ତେଣୁ ଏନେଇ ବିଧିବଦ୍ଧ ସୂଚନା ମିଳିବା ପରେ ଛାତ୍ରଛାତ୍ରୀଙ୍କ ଭବିଷ୍ୟତକୁ ନେଇ ଚିନ୍ତାରେ ଅବିଭାବକ । ଏପଟେ ପିଲାଙ୍କୁ ନିକଟସ୍ଥ ବିଦ୍ୟାଳୟରେ ପଢାଯିବା ନେଇ ଶିକ୍ଷା ବିଭାଗ ସୂଚନା ଦେଇଛନ୍ତି ।
ତେବେ ସରକାରୀ ନିୟମ ଅନୁସାରେ ଦଶରୁ କମ୍ ଛାତ୍ରଛାତ୍ରୀ ଥିବା ବିଦ୍ୟାଳୟକୁ ବନ୍ଦ କରାଯିବ । ଯଦି ଏହି ଧାରା ଦେଖାଯାଏ ବୌଦ୍ଧ ଜିଲ୍ଲାର ଅଠର ଗୋଟି ସ୍କୁଲ ବନ୍ଦ ହେବ । ତେଣୁ ଏଥି ସୂଚୀରେ ଜିଲ୍ଲାର ଏକ ମାତ୍ର ଉର୍ଦ୍ଦୁ ସ୍କୁଲ ରହିଛି, ଯାହାକି ବୌଦ୍ଧ ପୌରପରିଷଦ ଅଧିନରେ ରହିଛି । ଏବେ ସ୍କୁଲ ବନ୍ଦ ହେବା ଜଣାପଡିବା ପରେ ଚିନ୍ତାରେ ରହିଛନ୍ତି ଛାତ୍ରଛାତ୍ରୀ ଓ ଅଭିଭାବକ।
ତେବେ ପ୍ରଥମେ ବିଦ୍ୟାଳୟକୁ ଖଦାଳ ସାହି ପଟରୁ ଥିବା ରାସ୍ତା ବନ୍ଦ ହେବାକୁ ବସିଥିବା ବେଳେ ଏବେ ସ୍କୁଲ ବନ୍ଦ ହେବା ଖବର ଅବିଭାବକଙ୍କୁ ଚିନ୍ତାରେ ପକାଇଛି । ଏପଟେ ବୌଦ୍ଧ ସହରରେ ଦୁଇଟି ମୁସଲମାନ ବସ୍ତିର ପିଲାଙ୍କ ପାଇଁ ଥିବା ଜିଲ୍ଲାର ଏକମାତ୍ର ଉର୍ଦ୍ଦୁ ସ୍କୁଲ ବନ୍ଦ ହେବା ଘଟଣା ନିଶ୍ଚିତ ଭାବେ ସହରବାସୀଙ୍କୁ ଦୁଃଖିତ କରିଛି।
ବୌଦ୍ଧରୁ ସତ୍ୟ ନାରାୟଣ ପାଣି, ଈଟିଭି ଭାରତ
