ବୌଦ୍ଧ: ପାଣିରେ ପଡିଲା ସରକାରୀ ଅନୁଦାନ ଅର୍ଥ । ନିର୍ମାଣର ଅଳ୍ପ ଦିନରେ ଟଳି ପଡିଲା ପାଚେରୀ । କଣ୍ଟାମାଳ ବ୍ଲକ ସଦର ମହକୁମାଠାରେ 2017-18 ଆର୍ଥିକ ବର୍ଷରେ ପଶ୍ଚିମ ଓଡିଶା ବିକାଶ ପରିଷଦର 5 ଲକ୍ଷ ଟଙ୍କା ବ୍ୟୟ ଅଟକଳରେ ନିର୍ମିତ ମିନି ଷ୍ଟାଡିୟମ ପାଚେରୀର ଗୋଟିଏ ଅଂଶ ନିର୍ମାଣର ଅଳ୍ପ ଦିନରେ ଭୁଷୁଡି ପଡିଥିବା ଜଣାପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
କଣ୍ଟାମାଳ କଲେଜ ସମ୍ମୁଖରେ ଥିବା ମିନି ଷ୍ଟାଡିୟମର ପାଚେରୀ ନିର୍ମାଣରେ ବ୍ୟାପକ ଅନିୟମିତତା ହୋଇଥିବା ଅଞ୍ଚଳବାସୀ ଅଭିଯୋଗ କରିଛନ୍ତି । ଏ ସମ୍ପର୍କରେ ସ୍ଥାନୀୟ ଅଧିବାସୀମାନେ ବାରମ୍ବାର ଅଭିଯୋଗ କଲେ ମଧ୍ୟ କୌଣସି ସୁଫଳ ମିଳୁ ନଥିବା କହିଛନ୍ତି । ନିମ୍ନ ମାନର କାର୍ଯ୍ୟ ପାଇଁ ଏଭଳି ପରିସ୍ଥିତି ଉପୁଜିବା ସହ ଘଟଣାରେ ସମ୍ପୃକ୍ତ ଜଣେ ଯନ୍ତ୍ରୀଙ୍କ ଆଡକୁ ଆଙ୍ଗୁଳି ଉଠାଇଛନ୍ତି ବୁଦ୍ଧିଜୀବୀ ।
ତେଣେ ଏନେଇ ବ୍ଲକ ପ୍ରଶାସନ ପକ୍ଷରୁ ବନ୍ୟା ପାଣି ଯୋଗୁଁ ପାଚେରୀ ଭୁଷୁଡିଥିବା ସଫେଇ ଦିଆଯାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
