ବୌଦ୍ଧ: ଯୁବବର୍ଗଙ୍କ ସରକାରୀ ଚାକିରୀର ଆବେଦନ ପାଇଁ ବୟସ ସୀମା 32 ବର୍ଷ ରହିଥିବା ବେଳେ ତାହାକୁ 42 ବର୍ଷକୁ ବୃଦ୍ଧି ପାଇଁ ଯୁବ କଂଗ୍ରେସ ପକ୍ଷରୁ ଦାବି କରାଯାଇଛି । କୋରୋନା ମହାମାରୀ ସମୟରେ ଦୁଇ ବର୍ଷ ହେଲା କୃତି ଛାତ୍ରଛାତ୍ରୀ ମାନେ ଯୋଗ୍ୟତା ଥାଇ ମଧ୍ୟ ବିଶେଷ ଭାବରେ ପ୍ରଭାବିତ ହୋଇଛନ୍ତି । ଏନେଇ ବିଶେଷ ଭାବରେ ବୟସ ସମୟ ସୀମା ସେମାନଙ୍କୁ ନାହିଁ ନଥିବା ଅସୁବିଧାରେ ପକାଇଛି । ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ଯୁବବର୍ଗଙ୍କ ଚାକିରୀ ସମୟ ସୀମା 32 ବଦଳରେ 42କୁ ବୃଦ୍ଧି ପାଇଁ ଯୁବ କଂଗ୍ରେସ ପକ୍ଷରୁ ଦାବି କରାଯାଇଛି ।
ଏନେଇ ଆଜି(ସୋମବାର) ବୌଦ୍ଧ ଜିଲ୍ଲା ଯୁବ କଂଗ୍ରେସର ସଭାପତିଙ୍କ ନେତୃତ୍ବରେ ଯୁବ କଂଗ୍ରେସ କର୍ମୀ ବିକ୍ଷୋଭ ପ୍ରଦର୍ଶନ କରିବା ସହ ଏନେଇ ଏକ ଦାବିପତ୍ର ବୌଦ୍ଧ ଜିଲ୍ଲାପାଳଙ୍କ ଜରିଆରେ ରାଜ୍ୟ ମୁଖ୍ୟ ଶାସନ ସଚିବଙ୍କ ଉଦ୍ଦେଶ୍ୟରେ ପ୍ରଦାନ କରିଛନ୍ତି । ଆଉ ଏ ସମ୍ପର୍କରେ ରାଜ୍ୟ ସରକାର ପଦକ୍ଷେପ ଗ୍ରହଣ ନ କଲେ ଆଗାମୀ ଦିନରେ ଯୁବ କଂଗ୍ରେସ ଆନ୍ଦୋଳନ କରିବ ବୋଲି ଚେତାବନୀ ଦେଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
