ବୌଦ୍ଧ: ଓ୍ବାର୍ଡମେମ୍ବର ଗାଁରେ ବିକ୍ରି କରୁଛନ୍ତି ଦେଶୀ ମଦ । ଅଭିଯୋଗ କଲେ ଓଲଟା ବିଶୃଙ୍ଖଳା ସୃଷ୍ଟି କରୁଛି ଓ୍ବାର୍ଡମେମ୍ବର । ସ୍ଥାନୀୟ ଥାନାରେ ଅଭିଯୋଗ ପରେ ସୁଫଳ ନମିଳିବାରୁ ଜିଲ୍ଲାପାଳ ଓ ଏସପିଙ୍କୁ ଗୁହାରୀ କଲେ ମହିଳା ।
ଓ୍ବାର୍ଡମେମ୍ବର ଗାଁରେ ଦେଶୀ ମଦ ବିକ୍ରି କରିବା ସହିତ ବିଭିନ୍ନ ପ୍ରକାର ଅସାମାଜିକ କାର୍ଯ୍ୟରେ ଲିପ୍ତ ଥିବା ଅଭିଯୋଗ । ଏନେଇ ଅଭିଯୋଗ କଲେ ମଧ୍ୟ କୌଣସି ସୁଫଳ ମିଳୁନଥିବା ଅଭିଯୋଗ ହୋଇଛି ।
ସୂଚନାମୁତାବକ, ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକର ଘିକୁଣ୍ଡି ପଞ୍ଚାୟତ ଅନ୍ତର୍ଗତ ଗରିଆପାଲି ଗ୍ରାମରେ ଖୋଦ ଓ୍ବାର୍ଡମେମ୍ବର ଖୁଲମଖୁଲା ମଦ ବ୍ୟବସାୟ କରୁଥିବା ନେଇ ମନମୁଣ୍ଡା ଥାନାରେ ଅଭିଯୋଗ ହୋଇଛି । ଗାଁର ମହିଳାମାନେ ଏଭଳି ଅଭିଯୋଗ କରିଥିଲେ ମଧ୍ୟ ଏନେଇ ସୁଫଳ ମିଳିବା ପରିବର୍ତ୍ତେ ଓ୍ବାର୍ଡମେମ୍ବର ଗାଁରେ ଓଲଟା ଧମକଚମକ ଦେଇ ଅପ୍ରିତିକର ପରିସ୍ଥିତି ସୃଷ୍ଟି କରୁଛି ।
ଏ ସମ୍ପର୍କରେ ସୋମବାର ଗାଁର ମହିଳା ମାନେ ଏକତ୍ରିତ ହୋଇ ବୌଦ୍ଧ ଜିଲ୍ଲାପାଳ ଓ ଏସପିଙ୍କୁ ଭେଟି ଲିଖିତ ଅଭିଯୋଗ କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
