ବୌଦ୍ଧ: କୋରୋନା ଭୂତାଣୁ ଭୟ ଏବେ ଦାଦନ ଶ୍ରମିକଙ୍କ ପାଇଁ ଦୁଃଖ ବଢାଇଛି । କେରଳ ଫେରନ୍ତା ଦାଦନଙ୍କୁ ଗାଁରେ ପ୍ରବେଶ କରିବାକୁ ଦେଇନାହାନ୍ତି ଗ୍ରାମବାସୀ । ଶେଷରେ ପ୍ରଶାସନ ପକ୍ଷରୁ ଉକ୍ତ 7 ଜଣ ଦାଦନଙ୍କୁ ଗାଁ ନିକଟସ୍ଥ ବିଦ୍ୟାଳୟରେ ରଖାଯାଇଛି ।
ସୂଚନା ମୁତାବକ ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅନ୍ତର୍ଗତ ଆଢେଣୀଗଡ ପଞ୍ଚାୟତ ସଦର ମହକୁମା ନିକଟସ୍ଥ ସୁତାଗଣ୍ଡା ଗାଁରେ ଘଟିଛି ଏଭଳି ଘଟଣା । ଗାଁର 7ଜଣ ଦାଦନ ଶ୍ରମିକ ଶୁକ୍ରବାର କେରଳରୁ ଫେରି ସୁତାଗଣ୍ଡାରେ ପହଞ୍ଚିଥିଲେ । କିନ୍ତୁ ଗାଁରେ କୋରୋନା ଭୟ ଏତେ ମାତ୍ରାରେ ବଢିଯାଇଛି ଯେ ଉକ୍ତ 7ଜଣ ଦାଦନଙ୍କୁ ବାସନ୍ଦ କରିଛନ୍ତି । ଖବର ମିଳିବା ପରେ ତୁରନ୍ତ ଜିଲ୍ଲା ପ୍ରଶାସନ ପକ୍ଷରୁ ସ୍ଥାନୀୟ ପଞ୍ଚାୟତ ନିର୍ବାହୀ ଅଧିକାରୀ ଓ ସମବାୟ ସମିତିର ସମ୍ପାଦକଙ୍କୁ ଉକ୍ତ 7ଜଣଙ୍କୁ ଉଦ୍ଧାର ପାଇଁ ନିର୍ଦ୍ଦେଶ ଦିଆଯାଇଥିଲା ।
କେରଳ ଫେରନ୍ତା ଦାଦନଙ୍କୁ ଗାଁରେ ପୁରାଇଲେନି ଗ୍ରାମବାସୀ
