ବୌଦ୍ଧ: ଗଛକଟାକୁ ନେଇ ଦୁଇ ସରକାରୀ ବିଭାଗ ମୁହାଁମୁହିଁ । ଉଭୟ ନିଜକୁ ଠିକ ବୋଲି ଦର୍ଶାଇ ନିଜ ନିଜ ଜିଦରେ ଅଡି ରହିଥିବା ବେଳେ ଏହା ଏବେ ଚର୍ଚ୍ଚାର ବିଷୟ ହୋଇଛି ।
ଗଛକଟାକୁ ନେଇ ଜଙ୍ଗଲ ଓ ବିଦ୍ୟୁତ ବିଭାଗ ମୁହାଁମୁହିଁ
ସୂଚନାମୁତାବକ ବୌଦ୍ଧ ଜିଲ୍ଲା ମାଧପୁର ବନାଞ୍ଚଳ ଅନ୍ତର୍ଗତ ସାତଖଣ୍ଡ ଗ୍ରାମକୁ ପୂର୍ବରୁ ହୋଇଥିବା ବିଦ୍ୟୁତ ସଂଯୋଗର କେବୁଲ ନବୀକରଣ କାର୍ଯ୍ୟ ଶକ୍ତି ବିଭାଗର ଚିଠି ଅନୁଯାୟୀ ଟାଟା କମ୍ପାନୀକୁ ଦିଆଯାଇଛି । କିନ୍ତୁ ଏହି ସମୟରେ ସାତଖଣ୍ଡକୁ ସଂଯୋଗ କରୁଥିବା ଜଙ୍ଗଲ ଅଞ୍ଚଳରୁ 237 ଖଣ୍ଡ ମୂଲ୍ୟବାନ ଗଛକୁ କାଟି ଦିଆଯାଇଛି । ଏହି ଗଛକଟା ବିଦ୍ୟୁତ ବିଭାଗର ନିର୍ଦ୍ଦେଶରେ ହୋଇଥିବା ଅଭିଯୋଗ କରି ଜଙ୍ଗଲ ବିଭାଗ କଡା ଆଭିମୁଖ୍ୟ ସ୍ବରୂପ ବିଦ୍ୟୁତ ବିଭାଗକୁ ନୋଟିସ ଜାରି କରିଛି । ସେପଟେ ଜଙ୍ଗଲ ବିଭାଗର ଭୂମିକାକୁ ନେଇ ଓଲଟା ପ୍ରଶ୍ନ ଉଠାଇଛନ୍ତି ବିଦ୍ୟୁତ ବିଭାଗର ନିର୍ବାହୀ ଯନ୍ତ୍ରୀ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
