ବୌଦ୍ଧ: ଆଜିର ଦିନରେ ବି ଅନ୍ଧବିଶ୍ବାସରେ ବୁଡି ରହିଛନ୍ତି ଅନେକ ଲୋକ । ଝଡାଫୁଙ୍କାକୁ ଆପଣାଇ ଡାକ୍ତରଖାନା ଯାଉ ନାହାନ୍ତି । ଘଟଣାଟି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ କୁଶଙ୍ଗ ପଞ୍ଚାୟତର ଶଙ୍କୁରୀ ଗାଁର ।
ସାବିତ୍ରୀ ନାମକ ଜଣେ ମହିଳାଙ୍କୁ ତାଙ୍କ ପତି ସଂସାରରେ ଏକା କରି ଦୀର୍ଘ ବର୍ଷ ହେଲା କେଉଁଆଡେ ଚାଲି ଯାଇଛନ୍ତି । ଏହାପରେ ତାଙ୍କ ଅବସ୍ଥା ଅତ୍ୟନ୍ତ ଦୁଃଖଦ ହେବା ସହ ଅସହାୟ ହୋଇପଡିଛି । ସେ ଅନ୍ଧବିଶ୍ବାସର ବଶବର୍ତ୍ତି ହୋଇ ଏକାଏକା ବନ୍ଦ ଘରେ ଦିନ କାଟୁଛନ୍ତି ।
ଖବରମୁତାବକ, ସାବିତ୍ରୀଙ୍କୁ ତାଙ୍କ ସ୍ବାମୀ ପ୍ରାୟ 30ବର୍ଷ ତଳେ ଛାଡି କୁଆଡେ ଚାଲି ଯାଇଛନ୍ତି । ଦୁନିଆରେ ସମ୍ପୂର୍ଣ୍ଣ ଏକୁଟିଆ ସାବିତ୍ରୀ ଅନ୍ଧବିଶ୍ବାସର ବଶବର୍ତ୍ତି ହୋଇ ଦୀର୍ଘ ବର୍ଷ ହେବ ଏକ ବନ୍ଦ ଘରେ ହିଁ ଏକ ଖଟରେ ପଡି ରହିଛନ୍ତି । ଏପଟେ ତାଙ୍କ ଗୋଡରେ ହୋଇଥିବା ଛୋଟ ଘା ଏବେ ସାରା ଶରୀରରେ ମାଡି ଗଲାଣି । ଝଡାଫୁଙ୍କା ଉପରେ ସମ୍ପୂର୍ଣ୍ଣ ବିଶ୍ବାସ କରୁଥିବାରୁ ମହିଳା ଜଣକ ଡାକ୍ତରଖାନା ଯାଇ ନିଜର ଚିକିତ୍ସା କରୁ ନାହାଁନ୍ତି । ଗ୍ରାମବାସୀମାନେ ସରକାରଙ୍କୁ ଅନୁରୋଧ କରିଛନ୍ତି ସାବିତ୍ରୀଙ୍କୁ ଥଇଥାନ କରି ତାଙ୍କର ଚିକିତ୍ସାର ବ୍ୟବସ୍ଥା କରନ୍ତୁ ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
