ବୌଦ୍ଧ: ଭିଜିଲାନ୍ସ ଜାଲରେ ଲାଞ୍ଚୁଆ ସରକାରୀ ବାବୁ । ଦୁଇ ଦୁଇ ଥର ଭିଜିଲାନ୍ସ କେଶ ସତ୍ତ୍ୱେ ସୁଧୁରୁ ନାହାନ୍ତି ସରକାରୀ ବାବୁ । ତେବେ ବୌଦ୍ଧ ଜିଲ୍ଲାର ତିନୋଟି ତହସିଲ ଅଧିନରେ ଥିବା ରାଜସ୍ୱ ମଣ୍ଡଳଗୁଡିକ ମଧ୍ୟରୁ କେତେକ ଆରଆଇ ସର୍କଲରେ ବ୍ୟାପକ ଦୁର୍ନୀତି ହେଉଥିବା ନେଇ ବାରମ୍ବାର ଅଭିଯୋଗ ହୋଇଆସୁଥିଲା । ଗୁରୁବାର ବୌଦ୍ଧ ଭୈରବୀ ମନ୍ଦିର ପରିସରରେ ଶହ ଶହ ଟ୍ରିପ ବାଲିକୁ ବୌଦ୍ଧ ଜିଲ୍ଲାପାଳଙ୍କ ନିର୍ଦ୍ଦେଶରେ ଜବତ କରାଯିବା ସହ ୬ ଲକ୍ଷ ଟଙ୍କା ଜୋରିନାମା ଲଗାଯାଇଛି ।
ସେପଟେ ଗତକାଲି(ଶୁକ୍ରବାର) ବୌଦ୍ଧ ତହସିଲ ଅନ୍ତର୍ଗତ ଦହ୍ୟା ଆରଆଇ, ଜଣେ ହିତାଧିକାରୀଙ୍କଠାରୁ ଜମି ମାପ ପାଇଁ ପନ୍ଦର ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ଉକ୍ତ ଲାଞ୍ଚୁଆ ସରକାରୀ ବାବୁଙ୍କୁ ରେଡ ହ୍ୟାଣ୍ଡ ଧରିଥିଲା । ଏଠାରେ ପ୍ରକାଶ ଥାଉକି ଉକ୍ତ ଲାଞ୍ଚୁଆ ଆରଆଇ ଗତ 2017 ମସିହାରେ ବଘିଆପଡାଠାରେ ଆରଆଇ ଥିବାବେଳେ ଏଭଳି ଏକ ଭିଜିଲାନ୍ସ କେଶରେ ଛନ୍ଦି ହୋଇଥିଲେ ।
ଏପଟେ ବାରମ୍ବାର ଏହି ସରକାରୀ ବାବୁ ଖୁଲମଖୁଲା ଲାଞ୍ଚ ନେଉଥିବାରୁ ତୁରନ୍ତ ସରକାର ଏହି ଆରଆଇଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ପାଇଁ ବିଭିନ୍ନ ମହଲରେ ଦାବି ହେଉଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
