ବୌଦ୍ଧ : ଅସହାୟ ଅବସ୍ଥାରେ ପାଞ୍ଚ ଭାଇ ଭଉଣୀ । ମା ପୂର୍ବରୁ କେଉଁଆଡେ ଚାଲିଯାଇଛନ୍ତି ତାର କୌଣସି ପତ୍ତା ନାହିଁ । ଆଉ ଏବେ ପୁଣି ବାପାଙ୍କ ମୃତ୍ୟୁ ପରେ ପାଞ୍ଚ ଭାଇଭଉଣୀଙ୍କ ଉପରେ ଭାଙ୍ଗି ପଡିଛି ଦୁଃଖର ପାହାଡ । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଲୁଣିବାହାଲ ପଞ୍ଚାୟତର ଠୁକାସାହିର ଗରିବ ପରିବାର ଉପରେ ଏବେ ନିୟତି ନିଷ୍ଠୁର ହୋଇଯାଇଛି ।
ମା ଚାରି ବର୍ଷ ପୂର୍ବରୁ କେଉଁଆଡେ ନିଖୋଜ ହୋଇଯାଇଥିବାବେଳେ ଆଠ ଦିନ ପୂର୍ବରୁ ବାପାଙ୍କ ଅକାଳ ମୃତ୍ୟୁ ଘଟିଲା । ଫଳରେ ତିନି ଭଉଣୀ ଓ 2 ଭାଇ ଅନାଥ ହୋଇଯାଇଛନ୍ତି । ଏମାନଙ୍କ ନିକଟରେ ନା ଅଛି ପକ୍କା ଘର,ନା ବିଦ୍ୟୁତ ନା ଖାଦ୍ୟପାନୀୟ । ଫଳରେ ଦୟନୀୟ ଅବସ୍ଥାରେ ଜୀବନ ବିତାଉଛନ୍ତି ଏମାନେ ।
ଚାରି ଦିନ ତଳେ ବ୍ଲକ ପ୍ରଶାସନ ଦେଇଥିବା ଅଳ୍ପ ସହାୟତା ଶେଷ ହୋଇଯିବାରୁ ବର୍ତ୍ତମାନ କେବଳ ଶୁଖିଲା ଖାଦ୍ୟ ଖାଇ ବଞ୍ଚିଛନ୍ତି । ଏ ଖବର ପାଇ ଜିଲ୍ଲାପାଳ ମଧ୍ୟ ଗଭୀର ଉଦବେଗ ପ୍ରକାଶ କରିଛନ୍ତି ।
ଅନ୍ୟପଟରେ ଗୁରୁବାର ବୌଦ୍ଧ ଜିଲ୍ଲାପାଳ ଶିଶୁ ମାନଙ୍କୁ ଆଶୀର୍ବାଦ ଯୋଜନାରେ ସାମିଲ କରିବା ସହ ଶିଶୁ ଯୋଜନା ସହ ଜଡ଼ିତ ସମସ୍ତ ବ୍ୟବସ୍ଥାରେ ସାମିଲ କରିବାକୁ ନିର୍ଦ୍ଦେଶ ଦେଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
