ବୌଦ୍ଧ: ପିତାମାତା ଛେଉଣ୍ଡ ଶିଶୁକୁ ସିକଲିନ ରୋଗ । ଆଉ ବୋଝ ଉପରେ ନଳିତା ବିଡା ଭଳି 80 ବର୍ଷୀୟ ଅସହାୟ ଜେଜେମାଆ କୋଳରେ ବିତୁଛି ଶିଶୁର ଜୀବନ । ଏଭଳି ଦୃଶ୍ୟ ଦେଖିବାକୁ ମିଳିଛି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକରେ ।
ସରକାରଙ୍କ ମାଳ ମାଳ ଯୋଜନା ସତ୍ତ୍ବେ ଆଜିବି ବହୁ ଲୋକେ ଅସହାୟ ହୋଇ ପଡିଛନ୍ତି । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକର ରାଧାନଗର ପଞ୍ଚାୟତ ଅନ୍ତର୍ଗତ ଲାଣ୍ଡିବନ୍ଧ ଗାଁର ଏକ କୋଣରେ ଭଙ୍ଗା ଚାଳ କୁଡିଆରେ ଦୟନୀୟ ଅବସ୍ଥାରେ ବାସ କରୁଛନ୍ତି 80 ବର୍ଷୀୟ ଦ୍ରୌପଦୀ ପ୍ରଧାନ । ପୁଅ-ବୋହୂଙ୍କ ଅକାଳ ବିୟୋଗ ପରେ ତାଙ୍କ ନାତି ଚନ୍ଦନର ଭରଣ ପୋଷଣ ଦାୟିତ୍ବ ଏହି ବାର୍ଦ୍ଧକ୍ୟ କାନ୍ଧରେ ।
ଦ୍ରୌପଦୀଙ୍କ ନା ନିଜର ବୋଲି କିଚି ଜମି ରହିଛି ନା ତାଙ୍କୁ ଏ ପର୍ଯ୍ୟନ୍ତ କୌଣସି ସରକାରୀ ସହାୟତା ମିଲୁଛି। ଏପଟେ ନାତିକୁ ସିକଲିନ ଭଳି ମାରାତ୍ମକ ରୋଗ ହୋଥିବାରୁ ବିନା ଔଷଧରେ ଝଡାଫୁଙ୍କା ଓ ଡାଳପତ୍ରରେ ସୀମିତ ଅଛି ଚିକିତ୍ସା । ଏ ନେଇ ଦ୍ରୌପଦୀ ଓ ଅନ୍ୟ କେତେକ ଲୋକ ପଞ୍ଚାୟତ ଠାରୁ ଆରମ୍ଭ କରି ବ୍ଲକ ପ୍ରଶାସନ ପର୍ଯ୍ୟନ୍ତ ଗୁହାରୀ କରିଥିଲେ ମଧ୍ୟ ଆଜି ଯାଏଁ ତାଙ୍କୁ କିଛି ବି ମିଳିପାରି ନାହିଁ । ସେପଟେ ଜିଲ୍ଲା ପ୍ରଶାସନ ଏ ଦିଗରେ ଦୃଷ୍ଟି ଦେଇ ଏହି ବୃଦ୍ଧାଙ୍କୁ ସହାୟତା ଯୋଗାଇବାକୁ ସାଧାରଣରେ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
