ବୌଦ୍ଧ: ଜିଲ୍ଲାରେ ସ୍ଥାପନ ହେଲା ତାପମାତ୍ରା ମାପକ ଯନ୍ତ୍ର । ଦୀର୍ଘଦିନର ଆବଶ୍ୟକତା ରହିଥିବା ଏହି ଯନ୍ତ୍ର ସ୍ଥାପନ ପରେ ବେଶ ଖୁସି ଜିଲ୍ଲାବାସୀ ।
ବୌଦ୍ଧରେ ସ୍ଥାପନ ହେଲା ତାପମାତ୍ରା ମାପକ ଯନ୍ତ୍ର
ବୌଦ୍ଧ ପୁରୁଣା ସର୍କିଟ ହାଉସ ସମ୍ମୁଖରେ ସ୍ଥାପନ ହେଲା ତାପମାତ୍ରା ମାପକ ଯନ୍ତ୍ର । ପୂର୍ବରୁ ଅନ୍ୟ ସମସ୍ତ ଜିଲ୍ଲାର ତାପମାତ୍ରା ସୂଚନା ମିଳୁଥିଲେ ମଧ୍ୟ ବୌଦ୍ଧ ଜିଲ୍ଲାର ତାପମାତ୍ରା ସୂଚନା ମିଳିପାରୁ ନଥିଲା । ତେଣୁ ଦୀର୍ଘଦିନରୁ ବୌଦ୍ଧରେ ତାପମାତ୍ରା ଯନ୍ତ୍ର ସ୍ଥାପନ ପାଇଁ ଦାବି ହୋଇ ଆସୁଥିଲା । ଏହି ଯନ୍ତ୍ର ସ୍ଥାପନ ହେବାପରେ ଜିଲ୍ଲାବାସୀ ବେଶ ଆନନ୍ଦିତ ଥିବାବେଳେ ଜିଲ୍ଲାପାଳ ମଧ୍ୟ ଏହି ଯନ୍ତ୍ର ସ୍ଥାପନ ଯୋଗୁଁ ବର୍ତ୍ତମାନ ସମୟରେ ଥଣ୍ଡାର ସଠିକ୍ ଭାବରେ ସୂଚନା ମିଳିପାରିବା ନେଇ ଆଶା ପ୍ରକାଶ କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
