ବୌଦ୍ଧ: ଭୋଟ ନାହିଁ ତ ଘର ନାହିଁ । ପ୍ରଧାନମନ୍ତ୍ରୀ ଆବାସ ଯୋଜନାରେ ଦୁର୍ନୀତି ନେଇ ପ୍ରତ୍ୟେକ ଦିନ ନୂଆ ନୂଆ ଫର୍ଦ୍ଦ ଯୋଡି ହେଉଛି । ଭୋଟ ନ ଦେବାରୁ ପ୍ରକୃତ ହିତାଧିକାରୀଙ୍କ ନାମ ଆବାସ ଯୋଜନାରୁ କାଟି ଦିଆଯାଇଥିବା ଅଭିଯୋଗ ସାମ୍ନାକୁ ଆସିଛି । ଏପରି ଘଟଣା ଘଟିଛି ବୌଦ୍ଧ ଜିଲ୍ଲାର ତରଭା ଓ ତୁତୁମସିଂ ଗ୍ରାମରେ ।
ପ୍ରଧାନମନ୍ତ୍ରୀ ଆବାସ ଯୋଜନାରେ ଦୁର୍ନୀତି ଅଭିଯୋଗ
ବୌଦ୍ଧ ଜିଲ୍ଲାରେ ତିନୋଟି ବ୍ଲକରେ ବାରମ୍ବାର ଆବାସ ଯୋଜନାରେ ଦୁର୍ନୀତି ହେଉଥିବା ଅଭିଯୋଗ ସାମ୍ନାକୁ ଆସୁଛି । ନିର୍ବାଚନ ସମୟରେ ବିରୋଧୀ ଦଳ ସହିତ ଥିବାରୁ ଆବାସ ଯୋଜନାରୁ ବଞ୍ଚିତ ହୋଇଛନ୍ତି ହିତାଧିକାରୀ । ଭୋଟ ନ ଦେବାରୁ ବ୍ରାହ୍ମଣୀପାଲି ପଞ୍ଚାୟତ ତରଭା ଗ୍ରାମର ଧନୁ ଦେହୁରୀଙ୍କ ନାମ ଆବାସ ଯୋଜନାରୁ କାଟି ଦିଆଯାଇଛି ।
