ବୌଦ୍ଧ: ଆଜି ପବିତ୍ର ମହାଳୟା ପର୍ବ । ପିତୃପକ୍ଷର ଶେଷ ଦିନରେ ଆଜି ନିଜ ନିଜ ପୂର୍ବଜଙ୍କୁ ପିଣ୍ଡଦାନ କରିଛନ୍ତି ହିନ୍ଦୁ ସମ୍ପ୍ରଦାୟ ଲୋକମାନେ । ତେବେ କିଛି ଅସହାୟ ମୃତକଙ୍କ ଉଦ୍ଦେଶ୍ୟରେ ପିଣ୍ଡଦାନ କରିଛନ୍ତି କିଛି ଯୁବକ । ବୌଦ୍ଧ ମହାନଦୀ ତଟସ୍ଥ ହନୁମାନ ଘାଟରେ ତିଳ ତର୍ପଣ କରିଛନ୍ତି ଏକ ସ୍ବେଚ୍ଛାସେବୀ ସଙ୍ଗଠନ କିଛି ଯୁବକ ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଯେଉଁ ଅସହାୟ ମୃତକଙ୍କର ସଂସାରରେ କେହି ନାହାଁନ୍ତି ସେମାନଙ୍କ ଆତ୍ମାର ସ୍ବର୍ଗ ପ୍ରାପ୍ତି ଲାଗି ଏକ ସ୍ବେଚ୍ଛାସେବୀ ସଙ୍ଗଠନର କିଛି ଯୁବକ ମିଶି ମହାନଦୀରେ ତର୍ପଣ କରିଛନ୍ତି । ତେବେ ତାଙ୍କର ଏଭଳି ଏକ ନିଆରା କାର୍ଯ୍ୟକ୍ରମକୁ ବୌଦ୍ଧର ବିଭିନ୍ନ ମହଲରୁ ସ୍ବାଗତ କରାଯାଇଛି । ବୌଦ୍ଧ ସହରର ମହାନଦୀ ତଟସ୍ଥ ହନୁମାନ ଘାଟ ଠାରେ ଅତ୍ୟନ୍ତ ନିଷ୍ଠା ଓ ଶ୍ରଦ୍ଧାର ସହ ଏହି ତିଳତର୍ପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
