ବୌଦ୍ଧ: ଅଟୋକୁ ପଛ ପଟରୁ ପିଟିଲା ପିଚୁ ବୋଝେଇ ହାଇଓ୍ବା । ଫଳରେ ଘଟଣାସ୍ଥଳରେ ଗୋଟିଏ ପରିବାରର ତିନି ଜଣଙ୍କ ଜୀବନ ଦୀପ ଲିଭିଯାଇଛି । ଏହି ଅଭାବନୀୟ ଘଟଣା ଘଟିଛି ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅନ୍ତର୍ଗତ ଗୋପାଳମାଳ ଛକ ନିକଟରେ ।
ଆଜି ସକାଳ ପ୍ରାୟ 9ଟା ସମୟରେ ଫଗୁଣମାଲ ଗ୍ରାମର ଏକ ଅଟୋ ନିଜ ସମ୍ପର୍କୀୟ ଲୋକଙ୍କୁ ନେଇ ମନମୁଣ୍ଡା ଆଡକୁ ଆସୁଥିଲା । ଏହି ସମୟରେ ପଛରୁ ଆସୁଥିବା ଏକ ପିଚୁ ବୋଝେଇ ହାଇଓ୍ବା ବାଡେଇ ହେବାରୁ ଘଟଣାସ୍ଥଳରେ ଗୋଟିଏ ପରିବାରର ତିନି ଜଣଙ୍କ ମୃତ୍ୟୁ ଘଟିଛି ।
ଅଟୋକୁ ପଛରୁ ପିଟିଲା ହାଇୱା: ମାଆ ସମେତ ପୁଅ-ଝିଅ ମୃତ
ଘଟଣାରେ ମା ସହିତ ପୁଅ ଓ ଝିଅ ମୃତ୍ୟୁବରଣ କରିଥିବା ସୂଚନା ମିଳିଛି । ସେପଟେ ଘଟଣାସ୍ଥଳରେ ମନମୁଣ୍ଡା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
