ବୌଦ୍ଧ: ଶହେ ଟଙ୍କା ପାଇଁ ପୁରା ସ୍କୁଲର ଛାତ୍ରଛାତ୍ରୀ ପାଇଲେ ଦଣ୍ଡ । ପରୀକ୍ଷା ଥିବା ସତ୍ତ୍ବେ ଅବିଭାବକ ମାନେ ଏନେଇ ବିହିତ କାର୍ଯ୍ୟାନୁଷ୍ଠାନ ଦାବି କରି ବିଦ୍ୟାଳୟରେ ତାଲା ପକାଇଛନ୍ତି । ବୌଦ୍ଧ ଜିଲ୍ଲା ତାଳସରଡା ପଞ୍ଚାୟତର ସିଙ୍ଘାରୀ ପ୍ରାଥମିକ ବିଦ୍ୟାଳୟରେ ଘଟିଛି ଏପରି ଅଭାବନୀୟ ଘଟଣା।
ଶହେ ଟଙ୍କା ପାଇଁ ଦଣ୍ଡ
ଅଭିଯୋଗ ଅନୁଯାୟୀ ବୁଧବାର ସ୍କୁଲର ପ୍ରଧାନ ଶିକ୍ଷୟିତ୍ରୀ ଶହେଟଙ୍କା ହଜି ଯିବାରୁ ସେ ପ୍ରାୟ ଘଣ୍ଟାଏ କାଳ ଛାତ୍ରଛାତ୍ରୀଙ୍କୁ ବିଦ୍ୟାଳୟ କଠୋରୀରେ ବନ୍ଦ କରି ରଖିଥିଲେ । ଏହାପରେ ଗୁରୁବାର ସମସ୍ତ ଛାତ୍ରଛାତ୍ରୀଙ୍କୁ ଅତି ନିଷ୍ଠୁର ଭାବେ ବାଡେଇ ଟଙ୍କା କିଏ ଚୋରି କରିଛ ବୋଲି ପିଟି ଚାଲିଥିଲେ । ଯାହାପରେ ଶୁକ୍ରବାର ପରୀକ୍ଷା ଥିବା ସତ୍ତ୍ବେ ଅଭିଭାବକ ମାନେ ସ୍କୁଲକୁ ଆସି ତାଲା ପକାଇବା ସହ ଅଭିଯୁକ୍ତ ଶିକ୍ଷୟିତ୍ରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଏସମ୍ପର୍କରେ ବିଭାଗ ପକ୍ଷରୁ ତଦନ୍ତ କରି ପ୍ରଶାସନକୁ ରିପୋର୍ଟ ଦିଆଯିବ ବୋଲି ଜଣାପଡିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
