ବୌଦ୍ଧ: ବିପଦରେ ବନ୍ୟ ସମ୍ପଦ ଓ ବନ୍ୟ ଜନ୍ତୁ । କେଉଁଠି ଜଙ୍ଗଲ କର୍ମଚାରୀ ବେଆଇନ ଗଞ୍ଜେଇ ଚାଷ ସହ ଚୋରା କାଠ ଚାଲାଣ କରୁଥିବା ବେଳେ ଅନ୍ୟ କେଉଁଠି ଜଙ୍ଗଲ କର୍ମଚାରୀ ଜୀବନକୁ ବାଜି ଲଗାଇ ଶିକାରୀକୁ କାବୁ କରୁଛନ୍ତି । ବୌଦ୍ଧ ଜିଲ୍ଲାର ପାଞ୍ଚଟି ରେଞ୍ଜ ମଧ୍ୟରୁ ମାଧପୁର ବନାଞ୍ଚଳରେ ସର୍ବାଧିକ ବନ୍ୟଜନ୍ତୁ ରହିଥିବା ବେଳେ ଶୀକାରୀଙ୍କ ଲୋଲୁପ ଦୃଷ୍ଟି ଅଧିକାଂଶ ସମୟରେ ସେମାନଙ୍କ ଉପରେ ପଡିଥାଏ । ଗୋଟିଏ ଦିନ ପୂର୍ବରୁ ମାଧପୁର ରେଞ୍ଜ ଅନ୍ତର୍ଗତ ତଳଗାଁ ଅଞ୍ଚଳରେ ବନ କର୍ମଚାରୀମାନେ ଦୁଇଟି ପୃଥକ ସ୍ଥାନରୁ 19 କେଜି ବାରହା ମାଂସ ଜବତ ସହିତ ଚାରିଜଣ ଶିକାରୀକୁ ଗିରଫ କରି ଗୋଟିଏ ବାଇକ ଓ ଛୁରୀକୁ ଜବତ କରିଛି ।
ତଳଗାଁ ଅଞ୍ଚଳରେ ବାରହା ମାଂସ ସହ ଚାରି ଅଭିଯୁକ୍ତ ଗିରଫ
ସେପଟେ କିନ୍ତୁ ମନମୁଣ୍ଡା ବନାଞ୍ଚଳର ଜଣେ ଜଙ୍ଗଲୀ ବାବୁଙ୍କ ଇସାରାରେ ଚାଲିଛି ବେଆଇନ କାରବାର। ସଂରକ୍ଷିତ ଜଙ୍ଗଲରେ ବେଆଇନ ଗଞ୍ଜେଇ ଚାଷ ସହିତ ଚୋରା କାଠ ଚାଲାଣରେ ବାବୁଙ୍କ କୁଆଡେ ପ୍ରଛଦ ହାତ ରହିଛି ବୋଲି ଚର୍ଚ୍ଚା ହେଉଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
