ବୌଦ୍ଧ: ମହିଳାମାନଙ୍କୁ ସଶକ୍ତିକରଣ କରିବାକୁ ସରକାର ବିଭିନ୍ନ ହାଟ ବଜାର ନିଲାମ ଓ ବନ୍ଧ ନିଲାମ ପାଇଁ ମହିଳା ସ୍ବୟଂ ସହାୟକ ଗୋଷ୍ଠୀଙ୍କୁ ଅଗ୍ରାଧିକାର ଦେଇଛନ୍ତି । ଏହି ଧାରାରେ ବୌଦ୍ଧ ଜିଲ୍ଲା ଲକ୍ଷ୍ମୀପ୍ରସାଦ ପଞ୍ଚାୟତ ମାହାରସାହିର ମହିଳା ଗୋଷ୍ଠୀ ଏକ ପୋଖରୀ ନିଲାମରେ ନେଇଥିଲେ ।
ମାଛ ଚୋରି ଅଭିଯୋଗରେ ଥାନାର ଦ୍ବାରସ୍ଥ ହେଲେ ମହିଳା
ଗତ 2019 ମସିହାରେ ମହିଳାମାନେ ଉକ୍ତ ପୋଖରୀକୁ ପାଞ୍ଚ ବର୍ଷ ପାଇଁ ନିଲାମ ନେଇ ସେଠାରେ ମାଛଚାଷ କରିଥିଲେ । ମହିଳାମାନେ ଏହି ପୋଖରୀରେ ମାଛ ଚାଷ ପାଇଁ ହଜାର ହଜାର ଟଙ୍କା ଖର୍ଚ୍ଚ କରିଥିବା ବେଳେ ଗତବର୍ଷ କୋରୋନା କଟକଣା ଯୋଗୁଁ ମାଛ ଉତ୍ପାଦନ ଵାଧାପ୍ରାପ୍ତ ହୋଇଥିଲା ।
ଚଳିତ ବର୍ଷ ମାଛ ଧରିବାକୁ ଉଦ୍ୟମ ସମୟରେ ଗ୍ରାମର ଅନ୍ୟ ଏକ ଗୋଷ୍ଠୀ ଉକ୍ତ ବନ୍ଧରୁ ଦୁଇ କ୍ବିଣ୍ଟାଲରୁ ଉର୍ଦ୍ଧ୍ବ ମାଛ ମାରି ନେଇଯାଇଥିବା ଅଭିଯୋଗ ହୋଇଛି । ଏନେଇ ମହିଳା ମାନେ ପଞ୍ଚାୟତରେ ଅଭିଯୋଗ ପରେ କୌଣସି ସୁଫଳ ନମିଳିବାରୁ ରବିବାର ସନ୍ଧ୍ୟାରେ ବୌଦ୍ଧ ଥାନାରେ ଲିଖିତ ଅଭିଯୋଗ କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
