ବୌଦ୍ଧ: ମାଛ ଜାଆଁଳକୁ ନେଇ ବୌଦ୍ଧର ଏକ ସ୍ବତନ୍ତ୍ର ପରିଚୟ ରହିଛି । ବର୍ତ୍ତମାନ ମାଛ ଜାଆଁଳର ଉତ୍ପାଦନ ସମୟ ହୋଇଥିବାରୁ ଜାଆଁଳ ସଂଗ୍ରହ କରିବାକୁ କେବଳ ବୌଦ୍ଧ ଜିଲ୍ଲା ନୁହେଁ ଅନ୍ୟୁନ ଦଶରୁ ଉର୍ଦ୍ଧ୍ବ ଜିଲ୍ଲାର ମାଛଚାଷୀ ବୌଦ୍ଧ ମାଛ ଫାର୍ମକୁ ଆସିଥାନ୍ତି ।
ହେଲେ ବର୍ତ୍ତମାନର ସ୍ଥିତିରେ ଏହା ସମ୍ଭବ ହୋଇପାରୁନାହିଁ । ଯାହା ଚାଷୀଙ୍କୁ ଚିନ୍ତାରେ ପକାଇଛି । ବୌଦ୍ଧର ମାଟି ଓ ଜଳବାୟୁ ଏଠାକାର ଜାଆଁଳ ପ୍ରସିଦ୍ଧିର ଅନ୍ୟତମ କାରଣ ବୋଲି କୁହାଯାଏ । ବିଶେଷ ଭାବରେ ରୋହି ଓ ଭାକୁର ମାଛ ଜାଆଁଳର ଅହେତୁକ ଚାହିଦା ରହିଛି ।
ମତ୍ସ୍ୟ ଓ ପଶୁ ପାଳନ ବିଭାଗ ଅଧିନରେ ଥିବା ଜାଆଁଳ କେନ୍ଦ୍ରରେ ସରକାରୀ ଧାର୍ଯ୍ୟ ମୂଲ୍ୟରେ ଚାଷୀଙ୍କୁ ଜାଆଁଳ ଯୋଗାଇ ଦିଆଯାଏ । କିନ୍ତୁ ବର୍ତ୍ତମାନ ଲକଡାଉନ ଓ ସଟଡାଉନ ସହିତ ସୀମାସିଲ ଯୋଗୁଁ ମାଛଚାଷୀ ଯାତାୟାତରେ ଅସୁବିଧାର ସମ୍ମୁଖୀନ ହେଉଛନ୍ତି । ତେଣୁ ଏଦିଗରେ ପ୍ରଶାସନ ଦୃଷ୍ଟି ଦେବାକୁ ଚାଷୀ ମାନେ ଦାବି କରିଛନ୍ତି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
