ବୌଦ୍ଧ: ଧାନ ବିକ୍ରି ସମସ୍ୟା ଓ ଟୋକନ ଶେଷ ହୋଇଯିବା ନେଇ ଚାଷୀଙ୍କ ପ୍ରତିବାଦ । ବୌଦ୍ଧ ଜିଲ୍ଲାର ବିଭିନ୍ନ ଧାନମଣ୍ଡିରେ ଉତ୍ୟକ୍ତ ଚାଷୀ ସମବାୟ ସମିତି କାର୍ଯ୍ୟାଳୟରେ ତାଲା ପକାଇବା ସହ ଧାରଣାରେ ବସିଛନ୍ତି ।
ବାମଣ୍ଡା ସେବା ସମବାୟ ସମିତିରେ ଚାଷୀଙ୍କ ଧାରଣା
ବୌଦ୍ଧ ଜିଲ୍ଲାର ବିଭିନ୍ନ ଧାନମଣ୍ଡିରେ ଚାଷୀଙ୍କ ଧାନବିକ୍ରିକୁ ନେଇ ଅବ୍ୟବସ୍ଥା ଲାଗି ରହିଛି । ଦୀର୍ଘଦିନ ଧରି ମଣ୍ଡିରେ ଧାନ ପକାଇ ରଖୁଥିଲେ ମଧ୍ୟ ଧାନବିକ୍ରି ନ ହେବା ସହିତ ଏବେ ପୁଣି ଚାଷୀର ଧାନ ଟୋକନ ଲାପ୍ସ ହୋଇଯିବା ଯୋଗୁଁ ଚାଷୀ ଉତ୍ତେଜିତ ହୋଇଛନ୍ତି ।
ପୂର୍ବରୁ ମଧ୍ୟ ଏହି ଅବ୍ୟବସ୍ଥାକୁ ନେଇ ଦଶ ଦିନ ତଳେ ଚାଷୀମାନେ ତାଲା ପକାଇ ଥିଲେ । ଏବେ କିନ୍ତୁ କୌଣସି ସ୍ଥାୟୀ ପ୍ରତିକାର କରାନଯିବା ପର୍ଯ୍ୟନ୍ତ ତାଲା ଖୋଲିବେ ନାହିଁ ଏବଂ ଆବଶ୍ୟକ ପଡିଲେ ୫୭ ନମ୍ବର ଜାତୀୟ ରାଜପଥ ଅବରୋଧ କରିବେ ବୋଲି ଚାଷୀ ତଥା ପୂର୍ବତନ ସରପଞ୍ଚ ଚେତାବନୀ ଦେଇଛନ୍ତି ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
