ବୌଦ୍ଧ: ଲକଡାଉନ ସମୟରେ ଗଭୀର ଭାବରେ ପ୍ରଭାବିତ ହେଉଛନ୍ତି ଶ୍ରମିକ । ଶ୍ରମିକଙ୍କୁ ସେମାନଙ୍କ କାମର ପ୍ରାପ୍ୟ ପ୍ରଦାନ କରାଯାଉ ନଥିବା ଏବେ ଅଭିଯୋଗ ହୋଇଛି । ପ୍ରଥମଟି ବୌଦ୍ଧ ଜିଲ୍ଲା ଜଳସେଚନ ବିଭାଗ ଓ କ୍ଷୁଦ୍ର ଜଳସେଚନ ବିଭାଗ ଅଧିନରେ ଠିକାକାମ ହାତେଇଥିବା ଜଣେ ଠିକାଦାର ଶ୍ରମିକଙ୍କୁ ଦୀର୍ଘ ଦିନ ଧରି କାମ କରିବା ପରେ ପ୍ରାପ୍ୟ ପ୍ରଦାନ ନକରି ଫେରାର ହୋଇଯାଇଛନ୍ତି ।
ଫଳରେ କଷ୍ଟରେ ଚଳୁଥିବା ଶ୍ରମିକମାନେ ଜଳସେଚନ ଅଧିକାରୀଙ୍କୁ ସେମାନଙ୍କ ଦୁଃଖ ଜଣାଇବାକୁ ଆସିଥିଲେ । କିନ୍ତୁ ସେଠାରେ ଅଧିକାରୀଙ୍କୁ ଦେଖା କରିପାରିନଥିଲେ । ପରେ କିଛି ବିଭାଗୀୟ କର୍ମଚାରୀ ସେମାନଙ୍କୁ ଗାଳିଗୁଲଜ କରି ସେଠାରୁ ଫେରାଇ ଦେଇଥିବା ସୂଚନା ମିଳିଛି ।
ସେପଟେ ନୟାଗଡ଼ ଜିଲ୍ଲା ଶରଧାପୁର ଗ୍ରାମରୁ ବୌଦ୍ଧକୁ କାମ ଅନ୍ବେଷଣରେ ଆସିଥିବା 9 ଜଣ ଶ୍ରମିକଙ୍କୁ ସେମାନଙ୍କ କାମର ପ୍ରାପ୍ୟ ଜଣେ ଠିକାଦାର ପ୍ରଦାନ କରିନଥିବା ଅଭିଯୋଗ ହୋଇଛି । ଏପରିକି ସେମାନେ ଗତ ଦୁଇ ତିନି ଦିନ ହେଲା ଭୋକରେ ଥିବା ଅଭିଯୋଗ କରିବା ସହ ଏ ସମ୍ପର୍କରେ ବୌଦ୍ଧ ଜିଲ୍ଲାପାଳଙ୍କୁ ଗୁହାରି ପାଇଁ ପହଞ୍ଚି ଥିଲେ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
