ବୌଦ୍ଧ: କନ୍ଧମାଳ ସଂସଦୀୟ କ୍ଷେତ୍ର ଅନ୍ତର୍ଗତ ବୌଦ୍ଧ ଜିଲ୍ଲାର 2 ବିଧାନସଭା ନିର୍ବାଚନ ମଣ୍ଡଳୀରେ ଶାନ୍ତିପୂର୍ଣ୍ଣ ଭାବେ 2ୟ ପର୍ଯ୍ୟାୟ ଭୋଟ ଗ୍ରହଣ ସମାପ୍ତ ହୋଇଛି । ଗୁରୁବାର ରାତିରେ ଇଭିଏମ ଓ ଭିଭିପ୍ୟାଟ ଗୁଡିକୁ ସୁରକ୍ଷିତ ଭାବେ ବୌଦ୍ଧ ପଞ୍ଚାୟତ ମହାବିଦ୍ୟାଳୟ ଷ୍ଟ୍ରଙ୍ଗ ରୁମରେ ୮୫ ଓ ୮୬ ନମ୍ବର ମଣ୍ଡଳୀ ନିମନ୍ତେ ପୃଥକ ଭାବେ ରଖାଯାଇଛି । ଏହି କାମରେ ନିୟୋଜିତ ସମସ୍ତ ୨୭୧୨ ଜଣ ସରକାରୀ କର୍ମଚାରୀ ଓ ସୁରକ୍ଷାକର୍ମୀ ମାନେ ସୁଚାରୁ ରୂପେ ଦାୟିତ୍ବ ସଂପନ୍ନ କରି ନିଜ ନିଜ ଅଞ୍ଚଳକୁ ଫେରିଛନ୍ତି ।
ଭିଡିଓ ସୌଜନ୍ୟ:ପ୍ରତିନିଧି, ବୌଦ୍ଧ
ସୁରକ୍ଷା ବ୍ୟବସ୍ଥାରେ ନିୟୋଜିତ ଜିଲ୍ଲା ଓ ଜିଲ୍ଲା ବାହାରୁ ପୋଲିସ ଓ ସୁରକ୍ଷାକର୍ମୀ ଶୁକ୍ରବାର ସକାଳୁ ନିଜ ନିଜ।ଅଞ୍ଚଳକୁ ଫେରି ଯାଇଛନ୍ତି । ସୁରକ୍ଷିତ, ମୁକ୍ତ ତଥା ଅବାଧ ମତଦାନ ପାଇଁ ସମସ୍ତ ସୁରକ୍ଷାକର୍ମୀଙ୍କ ଯଥେଷ୍ଟ ଭୂମିକା ରହିଥିଲା ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
