ବୌଦ୍ଧ: ଜିଲ୍ଲାରେ ଉଦଘାଟିତ ହେଲା ଜରୁରୀକାଳୀନ 112ସେବା । ଶୁକ୍ରବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୋଲିସ, ଅଗ୍ନିଶମ ଓ ଆମ୍ବୁଲାନ୍ସ ଭଳି ଜରୁରୀ ସେବା ପାଇଁ ଇଆରଏସଏସ ବା ଜରୁରୀକାଳୀନ ଏକକ ନମ୍ବର 112 ସେବାର ଶୁଭାରମ୍ଭ କରିଛନ୍ତି ।
ବୌଦ୍ଧ ଠାରେ ମଧ୍ୟ ଏହି ସେବାର ଆରମ୍ଭ ହୋଇଛି । ବୌଦ୍ଧ ଏସପି ଅଫିସ ସମ୍ମୁଖରେ ବୌଦ୍ଧ ଜିଲ୍ଲାପାଳ, ଏସପି ଓ ଅନ୍ୟାନ୍ୟ ବରିଷ୍ଠ ପୋଲିସ ଅଧିକାରୀ ପହଞ୍ଚି ଫ୍ଲାଗ ଅଫ କରି 112 ସେବା ପାଇଁ ଗୋଟିଏ ଭ୍ୟାନ ଓ ଦୁଇଟି ବାଇକର ଶୁଭାରମ୍ଭ କରିଥିଲେ ।
ତେବେ ପ୍ରଥମ ପର୍ଯ୍ୟାୟରେ ଏହି ସେବା କେବଳ ସହରାଞ୍ଚଳରେ ଲାଗୁ ହେବା ସହ ଏହି କାର୍ଯ୍ୟରେ 15 ଜଣ ପୋଲିସ ଅଧିକାରୀ ଓ କର୍ମଚାରୀ ନିୟୋଜିତ ହେବେ ବୋଲି ଏସପି ଇଟିଭି ଭାରତକୁ ସୂଚନା ଦେଇଛନ୍ତି ।
ସେହିପରି ଶୁକ୍ରବାର ବୌଦ୍ଧ ଡିଆରଡିଏ କାର୍ଯ୍ୟାଳୟ ପରିସରରେ ପଶ୍ଚିମ ଓଡିଶା ବିକାଶ ପରିଷଦର ଜିଲ୍ଲା କାର୍ଯ୍ୟାଳୟ ଉଦଘାଟିତ ହୋଇଛି । କାର୍ଯ୍ୟକ୍ରମରେ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଯୋଗଦେଇ ପିଡି ବବିତା ଦଳବେହେରାଙ୍କ ଉପସ୍ଥିତିରେ ଡବ୍ଲୁଓଡିସି କାର୍ଯ୍ୟାଳୟକୁ ଉଦଘାଟନ କରିଥିଲେ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
