ବୌଦ୍ଧ: ଥମିବାର ନାଁ ଧରୁନି ହାତୀ ମୃତ୍ୟୁ । ରାଜ୍ୟରେ ଦିନକୁ ଦିନ ହାତୀ ମୃତ୍ୟୁ ବଢିବାରେ ଲାଗିଛି । ବୌଦ୍ଧ ଓ ଅନୁଗୋଳ ଜିଲ୍ଲାର ସୀମାନ୍ତ କିଆକଟା ଅଞ୍ଚଳରେ ପୁଣି ଆଉ ଏକ ହାତୀର ମୃତ୍ୟୁ ଘଟିଛି । ବଡ କଥା ହେଲେ ହାତୀର ଦୁଇ ତିନ ଦିନ ତଳେ ମୃତ୍ୟୁ ଘଟିଥିବା ବେଳେ ବନ ବିଭାଗ ପାଖରେ ଏହାର ସୂଚନା ନଥିଲା । ତେବେ ଗୋଟିଏ ପରେ ଗୋଟିଏ ହାତୀର ମୃତ୍ୟୁ ସମସ୍ତଙ୍କ ପାଇଁ ଚିନ୍ତାର କାରଣ ପାଲଟିଛି । ହାତୀ ଭଳି ବିରାଟକାୟ ପ୍ରାଣୀର ସୁରକ୍ଷା ଦୃଷ୍ଟିକୁ ନେଇ ଉଦବେଗ ପ୍ରକାଶ କରିଛନ୍ତି ପରିବେଶବିତ୍ ।
ତେବେ ହାତୀର ମୃତ୍ୟୁ କିଭଳି ହେଲା ସେନେଇ କୌଣସି ସୂଚନା ମିଳିପାରି ନାହିଁ । ଏହି ଅଞ୍ଚଳରେ ବାରମ୍ବାର ହାତୀ ମୃତ୍ୟୁ ଘଟଣା ଯୋଗୁଁ ବିଭିନ୍ନ ମହଲରେ ଚିନ୍ତା ପ୍ରକାଶ ପାଇଛି । ଗୋଟିଏ ପଟରେ ସାତକୋଶିଆ ଅଭୟାରଣ୍ୟର ପମ୍ପାସର ଜଙ୍ଗଲରେ ଦୁଇ ଦୁଇଟି କଲରାପତରିଆ ବାଘଙ୍କ ମୃତ୍ୟୁ ଘଟଣା ସହିତ ମାଇହାତୀର ମୃତ୍ୟୁ ସମସ୍ତଙ୍କୁ ଦୁଃଖିତ କରିଛି । ଏନେଇ ପରିବେଶବିତ ଗଭୀର ଉଦବେଗ ପ୍ରକାଶ କରିବା ସହିତ ହାତୀର ସୁରକ୍ଷା ପାଇଁ ସମସ୍ତଙ୍କ ସହଯୋଗ ଏକାନ୍ତ ଜରୁରୀ ବୋଲି ମତ ପ୍ରକାଶ କରିଛନ୍ତି ।
ଇଟିଭି ଭାରତ, ବୌଦ୍ଧ
