ବୌଦ୍ଧ: କୋରୋନା ଭାଇରସକୁ ନେଇ ଲୋକେ ଆତଙ୍କିତ ହୋଇପଡିଛନ୍ତି । ତେବେ ଜିଲ୍ଲା ପ୍ରଶାସନ ଓ ସ୍ବାସ୍ଥ୍ୟ ବିଭାଗ ସମ୍ପୂର୍ଣ୍ଣ ପ୍ରସ୍ତୁତ ରହିବା ସହ ଲୋକଙ୍କୁ ଆତଙ୍କିତ ନହେବାକୁ ପରାମର୍ଶ ଦେଇଛନ୍ତି । ସେପଟେ ଡାକ୍ତରଖାନାରେ କିମ୍ବା ମେଡ଼ିକାଲ ଷ୍ଟୋରରେ ମାସ୍କ ମିଳୁନଥିବାରୁ ରୋଗୀ ଓ ରୋଗୀଙ୍କ ସମ୍ପର୍କୀୟ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି ।
ବୌଦ୍ଧ ଜିଲ୍ଲାର ସମସ୍ତ ସ୍ବାସ୍ଥ୍ୟ କେନ୍ଦ୍ର କୋରୋନା ଭାଇରସର ମୁକାବିଲା ପାଇଁ ପୁରା ପ୍ରସ୍ତୁତ ହୋଇ ରହିଛି । ଏହାଛଡା କୌଣସି ପ୍ରକାରର ଅସୁବିଧାର ସମ୍ମୁଖୀନ ହେବାକୁ ବିଭାଗ ସମ୍ପୂର୍ଣ୍ଣ ପ୍ରସ୍ତୁତ ବୋଲି ସୂଚନା ମିଳିଛି । ତେବେ ଡାକ୍ତରଖାନାରେ କିମ୍ବା ମେଡ଼ିକାଲ ଷ୍ଟୋରରେ ମୁହଁ ଘୋଡାଇବା ପାଇଁ ମାସ୍କ ମିଳୁ ନଥିବାରୁ ରୋଗୀଙ୍କ ସମ୍ପର୍କିୟ ମାନେ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି ।
ସେପଟେ ସମସ୍ତଙ୍କୁ ଏତେ ସଂଖ୍ୟକ ମାସ୍କ ଯୋଗାଇବା ସମ୍ଭବ ନୁହେଁ ବରଂ ଗହଳି ପୂର୍ଣ୍ଣ ସ୍ଥାନ ଠାରୁ ଦୂରରେ ରହିବାକୁ ପରାମର୍ଶ ଦେଇଛନ୍ତି ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ । ଅନ୍ୟ ପକ୍ଷରେ ହରଭଙ୍ଗା ବ୍ଲକର ଏକ କମ୍ପାନୀରେ କାର୍ଯ୍ୟରତ ଜଣେ କର୍ମଚାରୀଙ୍କ ଠାରେ ଏଭଳି ଲକ୍ଷଣ ପ୍ରକାଶ ପାଇବା ପରେ ତାଙ୍କ ସମ୍ପର୍କରେ ସବିଶେଷ ତଥ୍ୟ ସଂଗ୍ରହ କରୁଛି ସ୍ବାସ୍ଥ୍ୟ ବିଭାଗ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
