ବୌଦ୍ଧ: ଗଜଲକ୍ଷ୍ମୀ ପୂଜାରେ ଦୀପାବଳୀର ଅନୁଭବ । ସାରା ଗାଁର ରାସ୍ତାରେ ପ୍ରତ୍ୟେକ ଗୃହ ସମ୍ମୁଖରେ ରଙ୍ଗୋଲୀ ସହ ସାମୂହିକ ଦୀପଦାନ ଆୟୋଜନ କରାଯାଇଥିଲା ।
ବୌଦ୍ଧ ଜିଲ୍ଲାର ଅନ୍ୟତମ କଳାଗ୍ରାମ ବୁଟୁପାଲିଠାରେ ଗଜଲକ୍ଷ୍ମୀ ପୂଜା ଅବସରରେ ଆୟୋଜିତ ହୋଇଥିଲା ଦଶହଜାର ଏକ ଦୀପଦାନ ମହାଯଜ୍ଞ । ଏଥି ସହିତ ପ୍ରତ୍ୟେକ ଗୃହ ସମ୍ମୁଖରେ ସ୍ବତନ୍ତ୍ର ରଙ୍ଗୋଲୀ ସହ ଦୀପମାଳା ସଜ୍ଜିତ ହୋଇଥିଲା । ଯାହା ସମୂର୍ଣ୍ଣ ବୁଟୁପାଲି ଗାଁରେ ଦୀପାବଳୀର ଭ୍ରମ ସୃଷ୍ଟି କରିଥିଲା ।
ଗଜଲକ୍ଷ୍ମୀ ପୂଜାରେ ଦୀପାବଳୀ ଦୃଶ୍ୟ
ସ୍ଥାନୀୟ ଗ୍ରାମବାସୀମାନେ ରଙ୍ଗୋଲୀ ମାଧ୍ୟମରେ ବିଭିନ୍ନ କଳାକୃତି ସହ ସଚେତନତାର ବାର୍ତ୍ତା ପ୍ରଚାର କରିଥିଲେ । ଏହି କାର୍ଯ୍ୟକ୍ରମରେ ବୌଦ୍ଧ ବିଧାୟକ ପ୍ରଦୀପ କୁମାର ଅମାତ ଯୋଗଦେଇ ମା' ଲକ୍ଷ୍ମୀଙ୍କ ଦର୍ଶନ କରି ଦୀପଦାନ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଏଭଳି ଏକ ନିଆରା କାର୍ଯ୍ୟକ୍ରମକୁ ବିଭିନ୍ନ ମହଲରୁ ପ୍ରଶଂସା କରାଯାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
