ଜିଲ୍ଲାସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ: ବୌଦ୍ଧ ପୌରାଞ୍ଚଳ ଟିମ ଚମ୍ପିଆନ

ଜିଲ୍ଲା ମହୋତ୍ସବ ଉପଲକ୍ଷେ ଆୟୋଜିତ ଜିଲ୍ଲାସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟର ଚମ୍ପିଆନ ହୋଇଛି ବୌଦ୍ଧ ପୌରାଞ୍ଚଳ ଟିମ।

ବୌଦ୍ଧ: ଫୁଟବଲ ପ୍ରେମରେ ସାରା ବୌଦ୍ଧ ଜିଲ୍ଲାବାସୀ। ଜିଲ୍ଲା ମହୋତ୍ସବ ଉପଲକ୍ଷେ ଆୟୋଜିତ ଖେଳ ମହୋତ୍ସବ ଉଦଯାପିତ ହୋଇଛି। ଜିଲ୍ଲା ପ୍ରଶାସନ ପକ୍ଷରୁ ଆଗାମୀ ବୌଦ୍ଧ ମହୋତ୍ସବ ଉପଲକ୍ଷେ ଆୟୋଜିତ ଖେଳ ମହୋତ୍ସବ ମଙ୍ଗଳବାର ଉଦ୍‌ଯାପିତ ହୋଇଛି । ଟୁର୍ଣ୍ଣାମେଣ୍ଟରେ ବୌଦ୍ଧ ପୌରାଞ୍ଚଳ ଟିମ ହରଭଙ୍ଗା ଟିମକୁ ପେନାଲଟି ମାଧ୍ୟମରେ ହରାଇ ଚମ୍ପିଆନ ହୋଇଛି।

ବୌଦ୍ଧ ଜିଲ୍ଲାରେ ଫୁଟବଲ ଖେଳର ସ୍ବତନ୍ତ୍ର ପରିଚୟ ରହିଥିବାରୁ ସ୍ଥାନୀୟ ଷ୍ଟାଡିୟମରେ ପ୍ରଥମ ଥର ପାଇଁ ଆୟୋଜିତ ହୋଇଥିଲା ଏହି ଖେଳ । 3 ଦିନ ଧରି ଚାଲିଥିବା ଏହି ଖେଳ ମହୋତ୍ସବର ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବରେ ବିଧାୟକ ପ୍ରଦୀପ କୁମାର ଅମାତ ଯୋଗ ଦେଇ ଷ୍ଟାଡିୟମ ନିର୍ମାଣ ସମୟର ଅନୁଭୂତିକୁ ବର୍ଣ୍ଣନା କରିଥିଲେ । ସମ୍ମାନିତ ଅତିଥି ଭାବେ ଜିଲ୍ଲାପାଳ ଲଲାଟେନ୍ଦୁ ମିଶ୍ର, ଏସପି ଭି ରଘୁନାଥ ରାଓ, ପିଡି ସୂର୍ଯ୍ୟ ନାରାୟଣ ଦାଶ, ସିଡିଏମଓ ଲକ୍ଷ୍ମୀଧର ସାହୁ ଓ ଉପଜିଲ୍ଲାପାଳ ଏନସି ଜ୍ୟୋତିରଞ୍ଜନ ନାଏକ ପ୍ରମୁଖ ଯୋଗଦେଇ ଖେଳାଳିଙ୍କୁ ଉତ୍ସାହିତ କରିଥିଲେ ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ