ବୌଦ୍ଧ: ଜିଲ୍ଲାର କ୍ୟାନସର ପିଡୀତ ରୋଗୀଙ୍କ ପାଇଁ ଆସିଲା ଖୁସି ଖବର । ଏଣିକି ଜିଲ୍ଲା ସଦର ମହକୁମାରେ ରୋଗୀମାନେ ପରବର୍ତ୍ତୀ ଚିକିତ୍ସା ପାଇପାରିବେ । ବୌଦ୍ଧ ଜିଲ୍ଲା ସଦର ମହକୁମା କୋଭିଡ ସେଣ୍ଟର ନିକଟରେ ଖୋଲାଯାଇଜି ଜିଲ୍ଲା କର୍କଟ ରୋଗ ଚିକିତ୍ସା ଓ ପ୍ରଶମନ କେନ୍ଦ୍ର । ଫଳରେ ଆଉ ଜିଲ୍ଲାର କ୍ୟାନସର ପିଡୀତ ରୋଗୀ ଅଯଥା ଖର୍ଚ୍ଚାନ୍ତ ହୋଇ କଟକ ଭୁବନେଶ୍ୱର ଦୌଡିବାକୁ ପଡିବ ନାହିଁ ।
କର୍କଟ ରୋଗୀଙ୍କ କେବଳ ଅପରେସନ ଓ ଲାଇଟିଂ ଛାଡିଦେଲେ କେମୋ ଥେରାପି ଓ ପରବର୍ତ୍ତୀ ଚିକିତ୍ସା ଜିଲ୍ଲା କେନ୍ଦ୍ରରେ ଉପଲବ୍ଧ ହୋଇପାରିବ ବୋଲି ସୂଚନା ମିଳିଛି । ଆଜି(ସୋମବାର) ବୌଦ୍ଧ କ୍ୟାନସର ଚିକିତ୍ସା କେନ୍ଦ୍ରରେ ସମୁଦାୟ 14 ଜଣ କ୍ୟାନସର ରୋଗୀଙ୍କୁ ଦିଲ୍ଲୀର କ୍ୟାନସର ବିଶେଷଜ୍ଞ ଡା. ଦୀନେଶ ପେଣ୍ଡାରକର ପରବର୍ତ୍ତୀ ଚିକିତ୍ସା ପରାମର୍ଶ ପ୍ରଦାନ କରିଥିଲେ ।
ରାଜ୍ୟ ସରକାରଙ୍କ ଦ୍ବାରା ଗ୍ରହଣ କରାଯାଇଥିବା ଏଭଳି ପଦକ୍ଷେପକୁ ରୋଗୀଙ୍କ ସମ୍ପର୍କୀୟ ମାନେ ସ୍ବାଗତ କରିଛନ୍ତି । ତେବେ ଜିଲ୍ଲାରେ କ୍ୟାନସର ରୋଗୀଙ୍କ ସେବା ପାଇଁ ଜେରେଟିକ ଓ୍ବାର୍ଡ ପ୍ରସ୍ତୁତ କରାଯାଇଥିବା ବେଳେ ସେଠାରେ ଅଧିକ କର୍ମଚାରୀ ନିଯୁକ୍ତି ପାଇଁ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
