ବୌଦ୍ଧ: ଜିଲ୍ଲାର ଏକମାତ୍ର ବୁଥରେ ସରିଲା ପୁନଃ ମତଦାନ ପ୍ରକ୍ରିୟା । ବୌଦ୍ଧ ଜିଲ୍ଲା ରକ୍ସା ପଞ୍ଚାୟତ ଚାଉଁରିଆପଦର ବୁଥରେ ଶାନ୍ତିଶୃଙ୍ଖଳାର ସହିତ ସାନି ମତଦାନ ସମ୍ପନ୍ନ ହୋଇଛି । ବୁଧବାର ସମୁଦାୟ 254 ଜଣ ଭୋଟରଙ୍କ ମଧ୍ୟରୁ 219 ଜଣ ମତଦାତା ଦେଇଥିଲେ । ଗତ 18 ତାରିଖରେ ଦ୍ବିତୀୟ ପର୍ଯ୍ୟାୟ ମତଦାନ ସମୟରେ ଏଠାରେ ବୁଥ କ୍ୟାପଚରିଂ ନେଇ ଅଭିଯୋଗ ପରେ ଜିଲ୍ଲାପାଳଙ୍କ ରିପୋର୍ଟକୁ ଭିତ୍ତିକରି ରାଜ୍ୟ ନିର୍ବାଚନ କମିଶନ ବୁଧବାର ସାନି ମତଦାନ ପାଇଁ ନିର୍ଦ୍ଦେଶ ଦେଇଥିଲେ ।
ତେବେ ସେହି ରକ୍ସା ପଞ୍ଚାୟତର ଅମୁର୍ଡା ଓ ମହେଶ୍ବର ପିଣ୍ଡା ବୁଥରେ ମୃତ ବ୍ୟକ୍ତିଙ୍କ ନାଁରେ ମତଦାନ କରାଯାଇଥିବା ନେଇ ଅଭିଯୋଗ ହୋଇଛି । ଉକ୍ତ ସ୍ଥାନରେ ସମୁଦାୟ 1669 ଭୋଟରଙ୍କ ମଧ୍ୟରୁ 1661 ଜଣ ମତଦାନ କରିଥିବା ସୂଚନା ମିଳିଛି । ଏନେଇ ଚାଉଁରିଆପଦର ଅଞ୍ଚଳବାସୀ ଦୁଇ ଦିନ ତଳେ 57 ନମ୍ବର ଜାତୀୟ ରାଜପଥ ଅବରୋଧ କରିଥିଲେ ।
ତେବେ ବୁଧବାର ସାନି ମତଦାନ ସରିବା ପରେ ବୌଦ୍ଧ ଜିଲ୍ଲାପାଳ, ଅମୁର୍ଡା ଓ ମହେଶ୍ବର ପିଣ୍ଡାରେ ମୃତ ବ୍ୟକ୍ତିଙ୍କ ମତଦାନ ସମ୍ପର୍କରେ ରାଜ୍ୟ ନିର୍ବାଚନ କମିଶନଙ୍କୁ ଅବଗତ କରିବାକୁ ଦାବି କରାଯାଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
