ବୌଦ୍ଧ: ଜିଲ୍ଲାରେ ସଂକ୍ରମଣର ହାର ରେକର୍ଡ ସଂଖ୍ୟାରେ ହ୍ରାସ ପାଇବାରେ ଲାଗିଛି । ସୋମବାର ବୌଦ୍ଧ ଜିଲ୍ଲାରୁ ମାତ୍ର 16 ଜଣ ସଂକ୍ରମିତ ଚିହ୍ନଟ ସମସ୍ତଙ୍କୁ ଆଶ୍ବସ୍ଥି କରିଥିବା ବେଳେ ଜିଲ୍ଲାର ବିଭିନ୍ନ ଟିକାଦାନ କେନ୍ଦ୍ରରେ 18 ବର୍ଷରୁ ଉର୍ଦ୍ଧ୍ବଙ୍କ ପାଇଁ ଟିକାଦାନ ଜାରି ରହିଛି । ସେପଟେ କଣ୍ଟାମାଳ ବ୍ଲକରେ କିନ୍ତୁ ବାରମ୍ବାର କୋଭିଡ ଆଇନର ଖୋଲାଖୋଲି ଉଲଙ୍ଘନ କରାଯାଉଛି ।
ଗତ କିଛି ଦିନ ପୂର୍ବରୁ କଣ୍ଟାମାଳ ବ୍ଲକ ଉମା ପଞ୍ଚାୟତ ସଦର ମହକୁମାର ଏକ ବନ୍ଧରେ ଶହ ଶହ ଲୋକ ଏକତ୍ରିତ ହୋଇ ମାଛଧରା ଘଟଣାରେ ବ୍ଲକ ପ୍ରଶାସନ କଡା ସମାଲୋଚନାର ଶୀକାର ହୋଇଥିଲା । ବର୍ତ୍ତମାନ ପୁଣିଥରେ ପୂଜା ପରମ୍ପରା ନାରେ ଅନ୍ଧ ବିଶ୍ବାସ ବଶବର୍ତ୍ତୀ ହୋଇ ଶହ ଶହ ଲୋକ କୋଭିଡ ଆଇନ ନିୟମକୁ ଉଲଙ୍ଘନ କରିବାର ଏକ ଭିଡିଓ ଭାଇରାଲ ହୋଇଛି ।
ସୂଚନା ମୁତାବକ କଣ୍ଟାମାଳ ବ୍ଲକ ଘଣ୍ଟାପଡା ପଞ୍ଚାୟତ ଶ୍ରୀମାଲ ଗ୍ରାମର ତେଲନଦୀ କୂଳରେ ଥିବା ଏକ ଧାର୍ମିକ ପୀଠରେ ପାପ ମୋଚନ ପାଇଁ ନଦୀରେ ବୁଡ ସହିତ ପୂଜାର୍ଚ୍ଚନା ପାଇଁ ଶହ ଶହ ଲୋକ ଏକତ୍ରିତ ହୋଇଥିଲେ । ତେବେ ବାରମ୍ବାର କଣ୍ଟାମାଳ ବ୍ଲକରେ ଏଭଳି ଘଟଣା ମାନ ଘଟୁଥିଲେ ମଧ୍ୟ ବ୍ଲକ ପ୍ରଶାସନ ଓ ପୋଲିସର ଭୂମିକାକୁ ନେଇ ବୁଦ୍ଧିଜୀବୀ ପ୍ରଶ୍ନବାଚୀ ସୃଷ୍ଟି କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
