ବୌଦ୍ଧ : ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ଜୋରଦାର ହେଉଛି ପ୍ରଚାର ଅଭିଯାନ । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକର ବାଇଶ ଗୋଟି ପଞ୍ଚାୟତରେ ପ୍ରାର୍ଥୀ ମାନେ ଭୋଟ ପାଇଁ ଡୋରଟୁ ଡୋର କ୍ୟାମ୍ପେନ ଜାରି ରଖିଛନ୍ତି । ଜିଲ୍ଲାର ରାଧାନଗର ପଞ୍ଚାୟତ 2017 ମସିହାରେ ନୂତନ ପଞ୍ଚାୟତ ଭାବରେ ପ୍ରତିଷ୍ଠା ହୋଇଥିଲା ।
Panchayat Election : ଉପଯୁକ୍ତ ପ୍ରାର୍ଥୀ ଦେଖି ଭୋଟ ଦେବୁ କହିଲେ ରାଧାନଗର ପଞ୍ଚାୟତବାସୀ
ନିର୍ବାଚିତ ହୋଇଥିବା ସରପଞ୍ଚ ବିଜୟୀ ହେବା ପରେ ସଦର ମହକୁମାର ଆଦିବାସୀ ବସ୍ତିକୁ ଦିନଟିଏ ମଧ୍ୟ ଆସି ନଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକେ । ଏହି ଆଦିବାସୀ ବସ୍ତିରେ ଆଦୌ ସରକାରୀ ଆବାସ ନ ଥିବା ବେଳେ ଅନେକ ଗରିବ ଲୋକ ଯୋଜନାରୁ ବଞ୍ଚିତ ହୋଇଛନ୍ତି । ଏଠାକାର ଭୋଟର ବର୍ତ୍ତମାନ ନୂତନ ପ୍ରାର୍ଥୀଙ୍କୁ ଚୟନ କରିବେ ବୋଲି ରୋକଠୋକ କହିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି,ଇଟିଭି ଭାରତ
