ବୌଦ୍ଧ: ଜିଲ୍ଲା ପାଇଁ ଗୌରବ ଆଣିଲେ କଣ୍ଟାମାଳ ବ୍ଲକ ଖଟଖଟିଆ ଗ୍ରାମର ବରିଷ୍ଠ ବୈଜ୍ଞାନିକ ତଥା ପ୍ରଫେସର କରୁଣାକର ନନ୍ଦ । ଚାଷୀ ପରିବାରରେ ଜନ୍ମଗ୍ରହଣ କରିଥିବା ଏହି ବୈଜ୍ଞାନିକ ବର୍ତ୍ତମାନ ଜିଲ୍ଲାକୁ ଗୌରବାନ୍ବିତ କରିଛନ୍ତି ।
ଆମେରିକାର ଷ୍ଟାନଫୋର୍ଡ ୟୁନିଭର୍ସିଟି ପକ୍ଷରୁ ପ୍ରକାଶିତ ରିପୋର୍ଟରେ ବିଶ୍ବର ଶ୍ରେଷ୍ଠ ଦୁଇ ପ୍ରତିଶତ ବୈଜ୍ଞାନିକଙ୍କ ତାଲିକାରେ ବୌଦ୍ଧ ଜିଲ୍ଲାର ପ୍ରଫେସର ନନ୍ଦଙ୍କ ନାମ ସ୍ଥାନ ପାଇଥିବାରୁ ତାଙ୍କ ଜନ୍ମସ୍ଥାନ ଖଟଖଟିଆ ସହିତ ବୌଦ୍ଧ ଜିଲ୍ଲାରେ ଆନନ୍ଦର ଲହରୀ ଖେଳିଯାଇଛି । କରୁଣାକର ନନ୍ଦ ପ୍ରାଥମିକ ଶିକ୍ଷା ଖଟଖଟିଆ ଓ ପଲସାଗୋରା ବିଦ୍ୟାଳୟରେ ସମାପ୍ତ କରିବା ପରେ ଭୁବନେଶ୍ୱରରେ ଇନଷ୍ଟିଚ୍ୟୁଟ ଅଫ ଫିଜିକ୍ସରେ ପିଏଚଡି ଲାଭ କରିଥିଲେ । ବର୍ତ୍ତମାନ ସେ ବେଙ୍ଗାଲୁରୁର ମ୍ୟାଟେରିଆଲ ରିସର୍ଚ୍ଚ ସେଣ୍ଟରର ଅଧ୍ୟକ୍ଷ ଦାୟିତ୍ୱରେ ଅଛନ୍ତି । ସମ୍ପ୍ରତି ପ୍ରକାଶିତ ବିଶ୍ବ ବୈଜ୍ଞାନିକ ତାଲିକାରେ ସେ 72 ନମ୍ବରରେ ବୌଦ୍ଧ ଜିଲ୍ଲା ପାଇଁ ଗୌରବ ଆଣିଥିବାରୁ ତାଙ୍କୁ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଇଟିଭି ଭାରତ ମାଧ୍ୟମରେ ଶୁଭେଚ୍ଛା ଜଣାଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
