ବୌଦ୍ଧ: କୋରୋନା ଯୋଦ୍ଧାଙ୍କୁ ଅଭିନବ ଶୈଳୀରେ ସମ୍ମାନ ପ୍ରଦର୍ଶନ କରିଛି ବୌଦ୍ଧ ଜିଲ୍ଲା ପ୍ରଶାସନ । ଆଗ ଧାଡିର କୋଭିଡ ଯୋଦ୍ଧା ଭାବରେ ମାନ୍ୟତା ପାଇଥିବା ସ୍ବାସ୍ଥ୍ୟ କର୍ମଚାରୀ, ପୋଲିସ, ଅଗ୍ନିଶମ, ସଫେଇ କର୍ମଚାରୀ, ସାମ୍ବାଦିକ ପ୍ରମୁଖଙ୍କୁ ସମ୍ମାନ ଜଣାଇବା ଉଦ୍ଦେଶ୍ୟରେ ଶନିବାର ଏକ ବିରାଟ ବାଇକ ଓ ଅଟୋ ରାଲିର ଆୟୋଜନ କରାଯାଇଥିଲା ।
କୋରୋନା ଯୋଦ୍ଧାଙ୍କୁ ବୌଦ୍ଧ ଜିଲ୍ଲାପ୍ରଶାସନର ଅଭିନବ ସମ୍ମାନ
ବୌଦ୍ଧ ମହାନଦୀ ବ୍ରିଜ ଛକଠାରେ ଜିଲ୍ଲାପାଳ ସବୁଜ ପତାକା ଦେଖାଇ ରାଲିକୁ ଶୁଭାରମ୍ଭ କରିଥିଲେ । ପରେ ଏହି ରାଲି ବୌଦ୍ଧ ସହର ପରିକ୍ରମା କରି କୋଭିଡ ଯୋଦ୍ଧାଙ୍କୁ ସମ୍ମାନ ଜଣାଇଥିଲେ । କାର୍ଯ୍ୟକ୍ରମରେ ଜିଲ୍ଲାପାଳ ଲଲାଟେନ୍ଦୁ ମିଶ୍ର, ଉପଜିଲ୍ଲାପାଳ ଏନସି ଜ୍ୟୋତିରଞ୍ଜନ ନାଏକ, ସହକାରୀ ଜିଲ୍ଲାପାଳ ଅବିନାଶ ପାଣ୍ଡିଆ, ଲୋକସମ୍ପର୍କ ଅଧିକାରୀ ଶିଶିର କୁମାର ସାହୁ ପ୍ରମୁଖ ଉପସ୍ଥିତ ରହିଥିବା ଦେଖିବାକୁ ମିଳିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
